Tila matutuloy na ang inaabangan ng lahat na sagupaan nila ni undefeated American Floyd Mayweather Jr. at fighting Congressman Manny Pacquiao sa 2012.
“80-90%, na matutuloy ‘yung mega-fight namin ni Mayweather,” sabi ni Pacman sa isang salu-salo kasama ang mga kaibigan sa sports media sa Harbour View (Luneta) noong isang gabi.
“Halos wala nang problema, pati ‘yung drug test, konting usapan na lang sa premyo,”dagdag pa nito.
Para kay Pacman, ang resulta ng fight kay Marquez ang naging daan para matuloy ang mega-fight nila ni Mayweather at tila ito diumano ang dahilan ng pagpayag ni Marquez na labanan sya. Kahit si Miguel Cotto ay puwede niyang harapin muli, matapos nitong manalo via TKO kay Antonio Margarito.
Ayon sa Filipino ring icon, dapat ng magretiro si Margarito dahil baka lumala pa ang pinsala nito sa mata.
