in

PAMILYANG PILIPINO

Pinagbuklod ng langit, pamilya’y nabuo

Kapalaran nakaukit, sa listahan ng Dios

Buhay maligaya, matitibay sa pagsubok

Mapagmahal at uliran masipag mag-impok

 

Tatay ang haligi ng isang tahanan

Si Inay ang ilaw, liwanag ang taglay

Tayong mga anak, siyang kayamanan

Mag-aral at magsikap para sa kinabukasan

 

Dahil sa kapalaran, tayo’y iba’t iba

Ngunit ang layunin, di ba’t nag-iisa

Malusog na katawan, buhay na sagana

Tagumpay na bukas at walang problema

 

Mga pamilya naman magulang nasa malayo

Naghahanap buhay, mga anak maipaanyo

Lungkot ang kalaban, sa pagod nanglulumo

Tiis sa pangungulila, sa hirap ay mahango

 

Kaya ikaw anak, mag-aral na mabuti

Umiwas sa bisyo at masamang gawi

Nasa iyong mga kamay bukas na sinasabi

Nawa’y magtagumpay ka at maipagmalaki

 

Lingunin ang magulang na sa iyo’y nagsilbi

Sa kanilang pagtanda mahalin mabuti

Huwag pababayaan ano mang mangyari

Ang Pamilyang Pinoy mahigpit ang tali

 

Kung nagkataon, magulang magsasaka

Huwag mong ikahiya dahil dakila sila

Sa tulo ng pawis pilit igapang ka

Maging edukado, ng trabaho’y maganda

 

Pamilyang Pilipino kinahihilian

Mapagmahal na tunay at mayroong galang

Kahit anong bagay ay nagtutulungan

Magkakaramay tayo sa gulong ng buhay

Dorie Reyes Polo

Reddito di Cittadinanza matatanggap din ng 164,000 pamilya ng mga dayuhan

Dindo Malanyaon, pinarangalan ni Duterte