Balik Eskwela

 

Sa mabilis na pagtakbo nitong kamay ng orasan

Ang bakasyon ay natapos nang hindi ko namalayan

Ang sandaling ginugol ko sa piling ng kaibigan

Ay sandaling hinding hindi magagawang kalimutan

 

Pagkatapos ng bakasyon pagkatapos ng dalawang buwan

Atin muling sisilipin ang naiwang eskwelahan

Ang kwaderno at ang lapis ay kukunin sa taguan

Ang maestro at maestra ay pamuling babalikan

 

Kung mayroong natutuwa at ang eskwela ay na-miss

Isang bagay ang tiyak ko mayroon ding naiinis

Mayrong ayaw na makita ang kwaderno at ang lapis

At aayaw na marinig ang sa maestrang boses

 

Ngunit anong magagawa  ito’y sadyang kailangan

Sa ayaw at sa gusto mo eskwela ay babalikan

Ito’y isang obligasyon lalo na sa kabataan

Pagkat dunong na hanap mo ay dito matatagpuan

 

Kaya ngayon paalam na oh bakasyong pagkasaya

Pagkatapos ng sampung buwan babalikan uli kita

At sa aking pagbabalik muli tayong magkasama

Muli nating pupuntahan ang lugar na masasaya

 

Akin munang haharapin obligasyong nararapat

Akin munang uunahin kung ano ang siyang dapat

Sarili ko’y ihahanda sa pagtupad sa pangarap

Upang bukas ang araw ko ay maganda itong sikat

 

Kabataan gumising ka at bumangon ng maaga

Sarili mo ay ihanda sa pagpasok sa eskwela

Sa iyo ay naghihintay ang maestro at maestra

Sa paghahanap ng bukas mo sila’y handang tulungan ka

 

Kabataan pilitin mong ibukas ang iyong mata

Harapin mo ang mundo mo nang may ngiti at may saya

Dalawang buwan na bakasyon sa ngayon ay natapos na

Sa ayaw at sa gusto mo magbabalik eskwela ka

 

ni: Letty Manigbas Manalo