in

Santakrusan, muling naidaos sa Bologna 

Matapos ang dalawang taong hindi nakapagdaos ng Santakrusan ang komunidad ng mga Katoliko sa Bologna dahil sa pandemya ng COVID 19, muling naisagawa ito sa pangangasiwa ngayon ng Catholic Filipino Community in Bologna (CFCB). Katuwang pa rin ang El Shaddai DWXI PPFI-Bologna Chapter, Couples for Christ -Bologna, Missionaries Family of Christ-Bologna at ang Federation of Filipino Associations in Bologna (FEDFAB).

Ika-22 ng Mayo, 2022, ang napiling petsa para sa pagpapatuloy uli ng tradisyong ito. Ilang linggo bago dumating ang okasyon ay nagsimula nang magkumbinsi ng mga kadalagahan na gaganap sa iba’t ibang representasyon ng Birhen Maria bilang Reyna, gaganap na Reyna Elena at Emperatriz, mga batang babae bilang anghel at prinsesita at iba pang mga kababaihan na gaganap naman ng mga personaheng may kaugnayan sa pagpapalaganap ng Kristiyanismo noon sa Pilipinas.

Reyna Elena at Constantino
Reyna Emperatriz

Ang Santakrusan ay bahagi na ng tradisyong Pilipino na nakakawing sa Kristiyanismo. Base ito sa kasaysayan ng paghahanap noon ni Reyna Elena sa krus na pinagpakuan kay Kristo Hesus. Ipinakikilala din dito ang iba’t ibang bersiyon ng pagka-Reyna ng ating Mahal na Birheng Maria.

Bago nagsimula ang  prusisyon sa ganap na alas-kuwatro ng hapon,ay nagkaroon muna ng selebrasyon ng misa sa Simbahan ng SAN BARTOLOME at SAN GAETANO, sa pangunguna ni FATHER VALENTINO PINLAC at kasama si MONSIGNOR STEFANO OTTANI. Pagkatapos nito ay ang pagpila na ng mga sagala at konsorte patungo sa Via Rizzoli at pabalik sa simbahan. Mayroong may dalang payong na ginayakan at mga arkong may palamuting mga bulaklak. Sa bandang huli ng prusisyon ay naroon ang Reyna Emperatriz, Reyna Elena at Constantino at saka pa lamang ang Imahe ng Birhen Maria, kasunod ang mga umaawit ng Ave Maria at nagdarasal ng Santo Rosaryo. Pagbalik sa simbahan ay nagkaroon din ng maikling seremonya ng pag-aalay ng mga bulaklak. Isa-isang inihandog ng mga sagala ang kanilang mga bulaklak sa Birheng Maria. 

Narito ang mga pangalan ng mga partisipante sa naganap na Santakrusan sa Bologna:

Reyna Banderada – Rhailey Posadas 

Reyna Mora – Jolibee Sto. Domingo

Reyna Fe – Aurea Shyaine Mendoza

Reyna Esperanza – Susan Vicente

Reyna Caridad – Cristy Rosales

Reyna Justicia – Skaila Sunga

Reyna Judith – Myra Lopez

Reyna Sheba – Aleli Manalang

Reyna Ester – Andrei Nicole Mendoza

Tres Marias – Angela Bermudez – Mother Mary

                         Grace Kyla Orno – Mary Mother of James

                          Isabell Longhi – Mary Magdalene

Reyna delas Estrellas – Greyshel Hillary Abustan

Rosa Mystica – Ibet Caballar

Reyna Paz – Bea Dawangon

Reyna delas Propetas – Cherlie Donato

Reyna del Cielo – Leighanna Paola San Diego

Reyna delas Virgines – Abegaile Pascua

Reyna delas Flores – Elyria Lorain Acunin

Reyna Emperatriz – Icelene Jurado

Reyna Elena – Zairene Sil-ay

Constantino- Gabriel Alexis Ursua

Mga Princesita – Bella Zarah Duyanen

                               Jhasmine Padilla

                               Michaela Millena

                               Kimmy Magbag

Mga Prinsipe – Macky Chase Posadas

                            Mack Asher Posadas

Ave Maria  Girls – Youth for El Shaddai Girls

                              Angelica Ursua

                              Alyssa Villegas

                              Claudia Viloria

                              Cyrelle Ursua

                              Jessica Gagote

                              Sofia Dela Cruz

                              Valeria Cesario

                              Veronica Arellano

Mga Anghel –  Lissandra Naron

                           Dennisen de Ocampo

                           Ara Pantoja

                           Olivia Pantoja

                           Angela Espina

Nga Konsorte – Bien Donato

                             Aaron Arellano

                             Giovanne Butuhan

                             Jan Mirko Geronimo

                             Paul Andrei Alvarez

                              Kurt Gethro Garnace

                Ulat ni: Dittz Centeno-De Jesus

                              Mga Kuha: Gyndee Foto

Click to rate this post!
[Total: 0 Average: 0]

Bonus Psicologo, pirmado na ang dekreto. Narito kung paano mag-aplay.

Natanggal sa trabaho, kailan bang magpatala sa Centro per l’Impiego?