in

Binibining Pilipinas-Italy 2016, tagumpay!

Nagtampok ng siyam na naggagandahang mga binibini ang ika-12 edisyon ng Search for Binibining Pilipinas-Italy 2016.  Si Deborah Ann Magnini ang hinirang na Miss Binibining Pilipinas-Italy 2016.

 

Modena, Oktubre 19, 2016 – Ang ika-12 edisyon ng Search for Binibining Pilipinas-Italy 2016 na ginanap sa Teatro Storchi sa probinsiya ng Modena, Italy ay nagtampok ng siyam na naggagandahang mga binibini sa edad na mula 15 hanggang 23 taon gulang.

Ito ay kinabibilangan nina Kimmi Hidalgo (Turin), Monette Renn Fructuoso (Bologna), Clarissa Mae Ramento (Napoli), Corelyn Soriano (Salerno), Kimberly Rogelio (Rome), Maria Danica Eronga (Pisa), Moira Batoon (Milan), Pearl Hyacinth Bantugon (Modena), at Deborah Ann Magnini (Palermo).

Ang nasabing patimpalak ay inorganisa ng Filipino Association of Talents in Europe sa pamumuno ni “The Pinoy Ricky Martin” Armando Borromeo Curameng sa tulong ng isang malaking grupo sa nasabing siyudad, ang GPII BLACK HAWK LEFT HANDER sa pangunguna ng kanilang president na si Marlon Coloma.

Sinuportahan din ito ng lokal na gobyerno ng Modena, ang alkalde na si Sindaco Gian Carlo Muzzarelli.

Isang araw bago ang main event ay nagdatingan na ang mga candidates maging ang kanilang mga supporters mula sa iba’t ibang rehiyon ng Italia.

Nagkaroon ng rehearsals at sa kinagabihan ay hindi nawala ang photoshoot ng mga beauties. Nagpakitang gilas ang mga ito sa kani-kanilang mga posing.

Sa araw ng patimpalak ay lubos ang pasasalamat ni Sindaco Gian Carlo Muzzarelli sa pagpili sa Modena bilang host city ng Search for Binibining Pilipinas-Italy 2016 at sa mga kababayan natin na sumuporta. 

Puyat at pagod na pinagtulung-tulugan naming mga miyembro ng Black Hawk Left Hander at mga kaibigang nag volunteer na nag resulta naman ng isang matagumpay ng event”, masayang tugon ni Coloma sa Ako ay PIlipino. 

Ang “Search for Binibinbing Pilipinas-Italy” ay unang ginanap sa Roma subalit ayon kay Curameng maliban sa Modena ay dinala na nila ito sa Reggio Calabria, Ascoli Piceno, Napoli, Firenze, Arezzo at Palermo. 

Kinoronahan si Deborah Ann Magnini ni outgoing Binibining Pilipinas-Italy 2015 Lady Yhunice Ligon bilang Binibining Pilipinas-Italy 2016 at sa kanyang pagkapanalo ay awtomatikong kasali siya sa “Principessa di Europa 2016” isang beauty contest sa Rimini, Emiglia Romagna, Italy.

Maliban sa korona at tropeo na pagiging ganap na Binibining Pilipinas-Italy 2016 ay nabigyan din siya a free round trip ticket sa Pilipina. Ito na rin ang kanyang pagkakataon para makapiling niya muli ang kanyang mga kamag-anak sa Pasig, Manila.

Samantala, napagkasunduan ng mga hurado ang isang katanungan lamang para sa mga finalists, “If you have a chance to talk with our new president Rodrigo Duterte, What would you tell him?

Ang karaniwang sagot ng mga binibini ay ang pagbati sa magandang hangarin ng Pangulo tungo sa ikauunlad at mapayapang bansang Pilipinas, lalo na sa pag sugpo sa krimen tulad ng mga nagtutulak at gumagamit ng mga ipinagbabawal na droga. Bagaman may isang hindi sang-ayon sa mga kaganapan sa kasalukuyan sa Pilipinas partikular ang pagdami sa bilang ng mga napapaslang. 

Well the question for the finalists is very timely, kasi some of our kababayans here are not aware kung ano ang nangyayari sa Pilipinas”, ani Curameng.

Dagdag pa niya, layunin din nito ay upang maipamulat sa mga candidates ang kalagayan ng Pilipinas.

Para sa “Search for Binibining Pilipinas-Italy 2017” ani Curameng, ito ay gaganapin sa Salerno para sa kanilang ika-13 edisyon ng pageant.

Matatandaang si Curameng ang kaunaunahang Pinoy na mapalad na mapabilang sa semi-finals ng “the Voice of Italy” sa mahigit 8000 mga aspiring talents na sumali sa naturang singing contest nitong taon. 

Miss Binibining Pilipinas-Italy 2016: Deborah Ann Magnini

1st runner up: Pearl Hyacinth Bantugon (Modena)

2nd runner up: Corelyn Soriano (Salerno)

3rd runner up: Kimberly Rogelio (Roma)

4rd runner up: Kimmi Hidalgo (Turin)

5th runner up: Clarissa Mae Ramento (Napoli)

Filipiniana design: Deborah Ann Magnini 

Filipiniana dress : Corelyn Soriano

Foreign attire: Kimberly Rogelio

Evening gown: Deborah Ann

Swim suit: Deborah Ann Magnini

Miss flawless: Maria Danica Eronga 

Talent: Kimberly Rogelio

Talent 1st runner up: Moira Batoon

Talent 2nd runner up: Corelyn Soriano

Photogenic: Corelyn Soriano 

Telegenic: Kimberly Rogelio

Miss social media: Clarissa Mae Ramento

Best performer award: Corelyn Soriano

Miss friendship: Pearl Hyacinth Bantugon

Miss filipino star: Monette Renn Froctuoso

Miss black hawk modena: Kimmi Hidalgo

Popularity: Pearl Hyacinth Bantugon

Popularity 1st : Kimberly Rogelio

Popularity 2nd: Monette Renn Froctuoso

Best in poise: Pearl Hyacinth Bantugon

Most articulate : Corelyn Soriano

Miss commune di Modena: Pearl Hyacinth Bantugon

 

ulat ni: Chet de Castro Valencia

 

500 euros kada refugee, para sa mga Comune

Online resignation, hindi balido sa mga colf