in

SUPERHEROES NG BAYAN

Tayong mga Pinoy

Nagpapaniwala sa mga superheores:

Darna, Panday at CaptainBarbel.

Sila’y nilikha’t bininyagan,

Tagapagligtas natin sa kasamaan

 

 

 

 

 

 

 

Tingin din sa mga inihalal

Makabagong superheroes ng bayan:

Pangulo, senador o congressman

Mag-aahon sa atin sa hirap

Maghahatid sa kasaganahan.

 

Bawa’t superhero’y may kalaban

kontrabidang nagpapahirap sa pakay:

Valentina, Lizardo at kampon ng kadiliman.

Laging naririyan, humahadlang

Kaya’t ang wagi’y walang katiyakan

 

Nguni’t bida’y laging panalo sa hulihan

dahil sa superpowers na taglay:

Puting bato, punyal o barbel man

Gamit ang sanhing banyaga sa lupa

Sinumang kaaway, ginagaping tuluyan.,

 

Subali’t mga pinuno’y ‘di superheroes

Walang kakaibang kakayahang taglay:

baguhin ang lipunan, ekonomiya at politika.

Sila ri’y tulad nating mamamayan

 

Napili lang, ‘di likas na maharlika

Kapangyarihan nila, di mula sa kababalaghan

Ito’y galing sa boto ng nagtiwalang bayan.

Sa haharaping batikos, gulo at problema:

Bayan ding nagkakaisa ang magiging-lakas

Agimat na magbibigay ng tiyak na tagumpay.

(Fr. Rex Fortes, CM)

Pamilya – mahalagang pundasyon sa buhay

Family reunification. “Isang taon at kalahating paghihintay sa Milan”