in

Kakatwang pamanhiin tuwing Pasko

Kahit na nasa bagong milenyo na at usong uso na ang paggamit ng mga social networks, mga touch phones at marami pang iba,  marami pa ring naniniwala sa mga pamahiin. At maging ang panahon ng Kapaskuhan ay hindi nakakaligtas sa mga superstitious beliefs na ito.

Wala namang masama at wala rin namang masasaktan kung ikukonsidera ang ilan sa mga pamahiing ito, ngunit hindi kaya ang mga ito ang dahilan kung bakit hindi tayo umasenso?

Narito ang ilan sa mga nadiskubre ng akoaypilipino.eu na kinikilalang kakatawang pamanhiin tuwing Pasko sa iba't ibang bahagi ng mundo.

  1. Upang magkaroon ng magandang kalusugan buong taon, kumain daw ng mansanas sa bisperas ng Pasko.
  2. Kumain ng plum pudding sa Pasko upang maiwasan ang mawalan ng kaibigan sa susunod na Pasko.
  3. Ang batang pinanganak sa araw ng Pasko ay magkakaroon ng magandang kapalaran.
  4. Malas daw ang pagsusuot ng bagong sapatos sa araw ng Pasko.
  5. Sa Ireland, naniniwala sila na ang pinto sa langit ay nakabukas sa bisperas. Kaya't ang mamatay sa araw na ito ay diretso sa langit.
  6. Kung kakain ng hilaw na itlog sa umaga ng Pasko, mamalasin.
  7. Ilagay ang mga sapatos nang tabi-tabi sa Pasko upang maiwasan ang pag-aaway sa pamilya.
  8. Kapag maraming bituin sa bisperas ng Pasko, magiging maganda ang ani.
  9. Kung mahangin sa Pasko, ito ay suwerte.
  10. Sa Greece, naniniwala sila na ang pagsunog ng lumang sapatos sa Pasko ay makaiiwas sa kamalasan buong taon.
  11. Sa Sweden, pinaniniwalaan na sa buong araw ng Pasko ang mga masamang duwende ay umaaligid.
  12. Sa England, kapag ang babae ay kumatok sa pinto ng henhouse o pugad ng mga manok, ikakasal siya bago matapos ang taon.
  13. Sumigaw ng "Christmas Gift' sa unang tao na kakatok sa inyong pinto. Ito raw ay suwerte.
  14. Ang mga ninong at ninang daw na malaking magregalo sa mga inaanak ay magkakaroon ng maraming biyaya. Ang mga nagtitipid naman ay hindi gaanong pagpapalain.

 

 

Bersani: “Citizenship at tunay na integrasyon” – Renzi: “Tanggalin ang Bossi-Fini law”

Nobyembre 30 – Bonifacio Day