in

Renzi: “Citizenship matapos ang isang educational stage”

Ang moderate ius soli ay maaaring maging daan ng citizenship ng mga banyagang ipinanganak sa Italya, sa kundisyong magtatapos ng tinatawag na ciclo scolastico o educational stage sa Italya. Ito ay tatalakayin kasama ang NCD (Nuovo Centro Destra). Ang M5S, wala pang posisyon.

Roma – Oktubre 24, 2014 – Inanunsyo ng Presidente ng Konseho Matteo Renzi ang intensyong isulong ang civil right: "Pagkatapos ng batas sa halalan, nais ng gobyerno ang talakayin sa Parliyamento sa Enero ang tema ng civil marriage, citizenship ng mga banyagang ipinanganak sa Italya at ang mga pribiliheyo ng third sector associations – sa Domenica Live kamakailan.

Higit sa isang milyon ang mga banyagang menor de edad sa Italya

Bukod sa paglulunsad ng 80 euros bonus para sa mga new mothers, ay tinawag ang pagbibigay ng citizenship sa anak ng mga banyaga bilang “fact of civilization”. Gayunpaman, ito ay tumutukoy sa 1. 087.016 banyagang menor de edad sa Italya kung saan 60% ng mga ito ay ipinanganak sa Italya.

Moderate ius soli

Ayon sa report ng pahayagang La Repubblica, ang draft bill o disegno di legge na ihaharap sa Kamara ay tila handa na. Maaaring mula sa ius sanguinis (na nagbibigay ng citizenship sa mga anak lamang ng italyano) ay maging moderate ius soli: citizenship sa mga batang ipinanganak sa Italya sa kundisyong magtatapos ng isang educational stage sa Italya o sa madaling salita ng isang kumpletong obligatory school. Ayon sa isang ipotesis, ay maaaring masakop din maging ang mga kabataang darating sa Italya sa adolescent period, ito ay tumutukoy sa pagtatapos ng Second Degree o Senior High School o ang tinatawag na scuola secondaria superiore.

Posisyon ng NCD

Sa pagtatalaga ng mga bagong panuntunan ng bagong ius soli ay maaaring magkaroon ng hadlang buhat sa NCD. Sa kabila ng paghahain ng katulad na teksto sa Kamara ni Dorina Bianchi, ang coordinator ng partido, Gaetano Quagliarella ay naghayag na: “Hindi kami isang xenophobic party tulad ng Lega. Kami ay sang-ayon sa prinsipyo ng moderate ius soli, ang kwestyon lamang ay ang antas ng pagiging moderate na nais ni Renzi…..”

Angkawalan ng posisyon ng M5S

Wala pang posisyon ng M5S na kasalukuyang hating-hati sa tema ng imigrasyon. Noong nakaraang taon, sa blog ni Grillo ay makikita ang pagtanggi nito sa panukala ng moderate ius soli sa ilalim ng pamumuno ni Letta: ayon sa leader ng M5S, bago tuluyang mapalitan ang panuntunan sa pagbibigay ng citizenship  para sa mga anak ng mga banyaga (kahit ipinanganak sa italya) makalipas ang pagsapit ng ika-18 taong gulang ay kailangan umanong sumailalim sa isang “referendum”.

 

 

Self-certification ng mga kinakailangang dokumento sa carta di soggiorno, maaari ba?

Berlusconi sang-ayon sa citizenship matapos ang isang educational stage