in

Limitadong gamit sa self-certification ng mga imigrante, kinumpirma ng Milleproroghe

Ang limitadong paggamit sa self-certification ng mga dayuhan sa Italya ay magpapatuloy hanggang sa buong taon ng 2016. 

 

Roma, Pebrero 26, 2016 – Kumpirmado sa Parliaymento. Kahit sa buong taon ng 2016, ang mga imigrante ay kailangang pumila para sa kanilang mga dokumentasyon. Hindi kakayanin ng public administration ang gawin ang nararapat na pagsusuri para sa self-certification.

Matatandaang nagsimula ito taong 2012 nang italaga ng batas na ang mga tanggapang publiko ay hindi na maaaring humingi o mag-isyu ng mga sertipiko na gagamitin sa ibang tanggapang publiko. At sinimulan ang paggamit sa tinatawag na self certification o autocertificazione, sa lahat ng pagkakataong ang public administration ay masusuri ang katotohanan ng mga impormasyon sa pamamagitan ng kanilang mga database.

Ngunit ang pagagmit na ito ay may limitasyon para sa mga “partikular na probisyon sa batas at regulasyon ukol sa imigrasyon at katayuan ng mga dayuhan.” Nangangahulugan na ang isang dayuhang mamamayan sa Italya ay maaaring gumamit ng self-certification upang patunayan ang residence (residenza) at family composition (stato di famiglia), ngunit hindi ito maaaring gamitin sa ibang kundisyong sumasaklaw sa mga partikular na sitwasyon ng mga dayuhan. Halimbawa: Nawalan ng trabaho at kailangang mag-aplay ng permesso di soggiorno per attesa occupazione? Kakailanganin ang sertipiko buhat sa Centro per l’Impiego. Kailangan ang renewal ng permesso di soggiorno per studio? Kakailanganin ang listahan ng mga pasadong exams buhat sa unibersidad. Mag-aaplay ng carta di soggiorno? Kakailanganin ang casellario giudiziale (no criminal record certificate) e carichi pendenti (no pending case certificate). Samakatwid, para sa mga dayuhan ay nananatiling mahalaga ang mga original documents.

Pansamantala lamang sana ang limitasyong nabanggit. Panahong kinakailangan upang i-connect ang mga database ng mga tanggapan tulad ng Questure, Centri per l’Impiego, University at mga korte upang ganap na masuri ang self-certification ng mga dayuhan. Ngunit ang exception na ito ay nagtuluy-tuloy. Sa simula ay anim na buwan, naging isang taon, naging taun-taon. Ang pinakahuling extension sa limitasyon nito ay hanggang Disyembre 31, 2015. At dapat sanay magsisimula na ang ganap na pagpapatupad nito sa simula ng taong 2016.

Sa pagsasabatas ng bagong dekreto ‘Mille proroghe’ kamakailan sa Senado ay kumpirmado ulit ang extension sa limitasyong nabanggit hanggang Dec 31, 2016.

Ang muling pagpapalibantulad ng mababasa sa isang pag-aaral ng House of Deputies ay dahil sa kawalan ng pagpapatupad sa dekreto ng Ministry of Interior na dapat na nagtalaga ng mga pamamaraan sa pagkakaroon ng mga impormasyon ukol sa casellario giudiziale (no criminal record certificate) e carichi pendenti (no pending case certificate), ng mga datos at civil status ng civil registry, unemployment certificates o disability, ng mga kinakailangang datos para sa renewal ng permit to stay para sa pag-aaral gayun din ng mga nararapat na aksyon upang magarantiya ang bilis ng pagtanggap ng mga dokumentasyon sa buong bansa”.

Bakit? Dahil ang “nasimulang aksyon ng mga concerned ministries tulad ng Justice, Labor at Education upang tukuyin ang pamamaraan ng pagkakaroon ng access sa kanilang mga database ay hindi tuly-tuloy”.

Second generation, free grant hanggang 10 euros bilang entrepreneurs

Nag-aplay ako ng assegni familiari. Magkano po ang aking matatanggap?