in

Family at maternity allowance buhat sa Comune para sa taong 2016

Kinumpirma ng gobyerno na ang halaga at requirements ng family at maternity allowance ay katulad noong nakaraang taon. Ang mga benepisyo ay nakalaan sa mga Italians at imigrante.

 

Roma, Pebrero 15, 2016 – Walang anumang pagbabago sa halaga ng big family allowance (assegno per I nuclei familiari numerosi) at halaga ng maternity allowance (assegno di maternità) ngayong taon. Ang mga tulong pinansyal buhat sa Comune na nakalaan sa mga pamilyang higit na nangangailangan ay nananatiling katulad noong nakaraang taon.

Ang halaga ng mga nabanggit na benepisyo at ang required salary ng pamilya ay maaaring mapalitan taun-taon batay sa takbo ng cost of living. Noong nakaraang taon, sa katunayan, ay naitala ang – 0,1% na pagbabago at dahil dito ang tanggapan ng presidente ng konseho ay inihayag na walang anumang pagbabago sa halaga noong 2015.

Ang maternity allowance 2016 ay ibinibigay sa mga new Moms, kasama ang mga nag-ampon at binigyan ng custody ay makakatanggap ng hanggang € 338,89 kada buwan sa loob ng limang buwan. Ang ISEE ay kailangang katumbas ng € 16,954.95.

Maaaring mag-aplay ang mga Italians, Europeans at mga non-Europeans na hindi tumatanggap ng anumang benepisyo. Ang aplikasyon ay maaaring isumite sa Comune na kinabibilangan sa loob ng anim (6) na buwan matapos ang panganganak o pag-ampon o pagtatalaga ng custody.

Samantala, ang family allowance ay ibinibigay sa mga pamilya na mayroong mula tatlong anak. Sila ay makakatanggap ng hanggang € 141,30 kada buwan sa loob ng 13 buwan. Ang halaga ng ISEE ay hindi dapat lalampas sa € 8,555.99.

Ang pamilya ay maaaring Italians, Europeans at mga no-Europeans. Kahit sa kasong ito, ang aplikasyon ay kailangang isumite sa Comune hanggang Jan 31 ng sumunod na taon ng aplikasyon.

PAALALA: Patuloy na hinihingan ng Inps bilang requirements ang mga non-EU nationals ng carta di soggiorno. Sa katunayan, isang European directive (2011/98) nagsasabing para sa mga ganitong benepisyo ay sapat na ang permit to stay na balido para sa trabaho. Gayunpaman, ang mga nabanggit ay maaaring mag-aplay ng mga benepisyo at mangyaring lumapit sa hukom para sa karapatan kung sakaling ang aplikasyon ay hahadlangan ng nabanggit na tanggapan.

Servizio Civile, may volunteers para sa integration agreement

Aplikasyon online ng citizenship, ihihinto ng isang araw para sa flussi