Kontrobersyal ang pagbabalik eskwela ng Scuola Superiore o High School sa Italya. Sa katunayan, ay tatlong rehiyon lamang ang nagbalik-eskwela sa itinakdang petsa na Jan 11 ng Ministry of Education. At maraming rehiyon ang nag-desisyon na ipagpaliban muna ang pagpasok ng Scuola Superiore.
Ito ay sa kabila ng mga anti-covid19 preventive measures na itinalaga. Kabilang na dito ang mga sumusunod:
- 50% na presenya lamang ng mga mag-aaral;
- Pagkakaroon ng turno ng mga mag-aaral sa araw at oras ng pagpasok at pagtatapos ng klase;
- Pagpapahusay ng sistema ng pampublikong transportasyon;
- Libreng swab test para sa mga mag-aaral ng High School;
- Contact tracing.
Narito ang mga Rehiyon at ang petsa ng pagbabalik-eskwela sa Scuola Superiore
January 11, 2021
- Abruzzo;
- Toscana;
- Valle d’Aosta
- Provincia di Bolzano.
January 18, 2021
- Molise;
- Puglia;
- Lazio;
- Liguria;
- Piemonte.
January 25, 2021
- Campania;
- Emilia Romagna;
- Lombardi;
- Umbria.
February 1, 2021
- Sicilia,
- Sardegna,
- Calabria,
- Marche,
- Veneto,
- Friuli Venezia Giulia,
- Basilicata.
Paghahanda ng mga Rehiyon
LAZIO
Sinisigurado ng ATAC ang karagdagang 1,500 corse o biyahe at 500 karagdagang biyahe naman ng COTRAL. Bukod dito, ang Rehiyon ay nagbibigay din ng libreng rapid test para sa mga mag-aaral, gamit ang codice fiscal. Narito ang link para sa pagkuha ng schedule.
LIGURIA
Sa La Spezia ay sinisigurado ang karagdagang 150 corse at karagdagang 50 autobus. Sa Genova ay karagdagang 12 autobus para sa mga mag-aaral.
TOSCANA
Sa Lucca ay sinisigurado ang karagdagang 70 corse o biyahe at sa Massa ay karagdagang 58.
PIEMONTE
Simula Jan 4 hanggang March 31 ay maaaring magpa-schedule ng free swab test o rapid test tuwing ika-15 araw ang mga professors at mag-aaral sa scuola superiore.
