in

O Covid19

Ikaw sana ay tangayin 

Ng malakas na hangin 

Liparin sa kawalan 

Sa ubod ng kalawakan. 

Ikaw sana ay malunod 

Sa asul na karagatan 

Sa lawak at lalim nito 

At buhay mo’y mapugto. 

Kainin ka sana ng bulkan 

Maipit sa galit at bitak. 

Kumukulong putik lamunin 

At tuluyan ng tupukin. 

Lusubin ka nawa ng balang 

Kuyugin ng kanilang kawan. 

Dalhin sa hubad na disyerto 

Tunawin sa lagablab nito. 

Sa dami ng ‘yong pinatay 

Sa tindi ng iyong pinsala. 

Kaya mundo’y umaasa 

Ikaw agad ay masawata. 

Ikaw ba’y ‘san nangaling 

O sinadya na likhain? 

Anak man sa labas ni SARS 

Di ka naman binu-bully! 

Bago ka tuloy na lumisan 

Sana iyo akong pagbigyan 

Pwede mo bang kuhanin. 

Yaong budhi ay maitim. 

Ibarra Banaag 

7 sa 15 Pinoy health workers sa isang Private Clinic sa Roma, positibo sa Covid19

Bakit kailangan natin sumunod sa mga panuntunan ng social distancing at ano ang sinasabing “flatten the curve”?