Isang babaeng nurse ang tatanggap ng unang bakuna laban Covid19 sa Italya sa itinakdang Vaccine Day ng Europa sa Dec 27. Pagkatapos ay isang socio-sanitary operator (OSS), isang researcher at dalawang doktor.Sila ang unang limang babakunahan sa bansa, ayon sa anunsyo ng Istituto Nazionale di Malattie Infettive Lazzaro Spallanzani.
Basahin din:
- Bakuna laban Covid19, ang plano at ang dosis bawat Rehiyon
- Bakuna laban Covid19, higit 20 milyon doses sa Italya hanggang Hulyo
Batay sa kahilingan ni Emergency Commissioner Domenico Arcuri, ay agarang hinanda ng Institute ang distribusyon ng mga bakuna laban covid19 ng Pfizer. Inaasahang darating ang mga bakuna sa Italya ng Dec 24. Ito ay pangangalagaan sa isang hub ng Spallanzani ng mga militar. Ang mga dosis, pagkatapos ay ipamamahagi sa 21 itinakdang lugar sa bansa.
Matatandaang binigyan ng European Medicines Agency o EMA ng awtorisasyon ang Pfizer-Biontech kahapon, Dec. 21. (PGA)
Basahin din:
- “Mga migrante, babakunahan din laban Covid19 katulad ng mga Italians” Commissioner Arcuri
- Bakuna kontra Covid19, isa bang obligasyon?
