Ako ay filipino

Ayon kina Philippine deputy chef-de-mission Julian Camacho at Romeo Magat sa lingguhang PSA Forum sa Ermita, Manila kahapon, ay kakayanin ng Team Philippines ang overall championship ng 26th Southeast Asian Games sa mga lungsod ng Jakarta at Palembang sa Indonesia sa darating na Nobyembre 11-22.

Ayon kay Camacho, na secretary general ng Wushu Federation of the Philippines (WFP), “It’s attainable if everybody works harder. We have 42 sports at kung bawat isang NSA (National Sports Association), may two golds, ayos na.”

Dinagdag pa nito, na kakailangan din ng Pilipinas nang malaking suporta mula sa Ambassador na si Ma. Rosario na nakabase sa Jakarta para sa manpower, transportation at sa pagkain ng delegasyon.

“May 22 disciplines sa Jakarta at ang billeting ay sa 22 different hotels kaya kakailangan ng volunteers na mga kababayan natin mula sa Embassy sa Jakarta na magiging guide sa mga playing venue at sa hotel”, pagtatapos ni Camacho.

Bagaman iniba ng Azkals ang kanilang taktika sa pakikipagtunggali sa Kuwait, naglaho pa rin ang pangarap para sa 2014 World Cup ng Philippine football team Azkals. Hindi dumating ang ipinagdarasal na himala sa Rizal Memorial Football Stadium, at nagsara ang second round na tinambakan ng Kuwait ang Azkals sa 5-1 aggregate advantage.

Natatandaang sa first leg pa lamang ay nabaon na ang Azkals sa 0-3 loss noong Hulyo 23 sa Mohammad Al-Hammad Stadium sa Hawalli sa teritoryo ng Kuwait.

Ayon pa sa report, nananatiling susuporta pa rin ang mga fans ng Azkals sa kanila sa kabila ng mga naging resulta ng laro kahapon dahil ang mahalaga diumano sa mga ito ay namulat ang mata ng mga Pinoy sa larong ito. “Soccer is now a real thing to Filipinos”, dagdag pa ng mga fans.

Ang grupo, gayunpaman, ay muling magsasanay kasama ang Under-23 Team sa Agosto bilang preparasyon sa Long Teng Cup sa Taiwan sa Setyembre.

Sa kabila ng malakas na buhos ng ulan, hindi mahulugang karayom ang Rizal Memorial Football Stadium kahapon dahil sa harap ng pinakamalaking crowd na nanood ng football sa Pilipinas, ay gumawa ng kasaysayan ang Philippine Azkals na nagbaon sa Sri Lanka Reb Bravers sa score na 4-0.

Ito ang kauna-unahang World Cup qualifier win sa kasaysayan ng Philippine football, at una rin sa second round.

Hindi binigo ng Azkals ang fans, mula sa opening hanggang sa final whistle ay talaga namang perfect moment para sa Philippine football.

Parang magigiba ang rafters ng Rizal Memorial ng maka score si Chieffy Caligdong sa 19th minute para sa 1-1 deadlock sa first leg sa Colombo noong Miyerkules

Hindi na magkarinigan nang sumunod na umiskor si Phil Younghusband sa 43rd minute para sa 2-0 lead sa halftime.

Pagkatapos ng break, kasabay ng mahigpit na depensa, sa 51st minute ay ang goal ni Angel Guirado, sa 57^th naman ang ikalawang goal ni Phil Younghusband na syang nagbaon ng tuluyna sa red Bravers.

“I think we made a lot of pressure in the first 15-20 minutes. We we’re in a good flow today overall and we have many, many more chances,” dagdag pa ng coach nito na si Michael Weiss.

Nagbukas ang landas ng Azkals sa 2014 Brazil World Cup para harapin sa second round ang Kuwait.

Mainit at gitgitan ang naging laro sa pagitan ng Filipino Nurses Association laban sa NB whites.  Sa score na 81-84, inuwi ng Nurses ang tropeo ng pagiging kampeon sa katatapos na liga sa Genova, Italy.  Pumangalawa naman ang NB Whites, 3rd place ang Lakers at 4th place naman ang Filipino Catholic Group.  Pumili ang committee ng mga Best Player sa bawat koponan.  Sa FCG, sinabitan ng medalya sina Jay-R Silbasa, Jun Ray Navarra at Jay-R Mata,  sa Lakers naman ay sina Rowie Tiburcio, Elly Sarmiento, at Jayron Elindo, sa NB whites ay sina Richard Cole, Japh Sarong, at Bimbo Lopez.

Sina Japh Sarong, Lemeul Melitante, Rowie Tiburcio, John Paul Javier, Jayron Elindo, Richard Cole, Jay-r Mata, Jeff Cole, Bimbo Lopez, at Artemio Silbasa Jr  naman ang bumuo sa Mhytical Selections.  Masayang Masaya naman si John Sylvester Esquivel na first time na sumali sa liga sa nakuhang trophy, ang ROOKIE OF THE YEAR.  Tropeo naman ng MVP of the entire league ang nakuha ni Japh Sarong at ang pinaka-star ng liga na MOST VALUABLE PLAYER award naman ay nasungkit ni Lemuel Melitante.  Iniuwi din ng FNHAS ang BEST COACH award na si Lito Villeros.    

Bagama’t may di-maiwasang sakitan at bugnutan sa mga player, sa kabuuan tagumpay ang nasabing liga.  “Nagpapasalamat ako sa mga sumuporta sa mga tumulong sa mga teammates sa mga players, at  nabuo ang team namin nagkasamasama kami, masayang magulo magulong Masaya nagpapasalamat ako at natapos salamat,” ang pahayag ni Richard Cole, ang chairman ng committee on Sport ng Filipino Community Club of Genova.  

“Ginawa ko lang yung dapat  kong gawin para mag champion kaya  ito nakuha ko, ginawa ko lang ang dapat kong gagawin,” masayang kwento naman ni Lemeul Melitante, ang MVP ng championship game.

 Dahil sa tagumpay ng nasabing liga, binabalak muli ng sports committee na muling magbukas ng bagong liga ngayong tag-araw.  (Jasmin Siman-Badillo, Genova Italy)