Ako ay filipino

Marso 4, 2013 - Pinarangalan ng Entertainment Press Society (ENPRESS, Inc.) ang mga nagwagi sa katatapos lamang na 2013 Golden Screen Awards for Television sa Teatrino, Promenade, Greenhills Shopping Center, San Juan City.

Kinilala bilang Outstanding TV Station ang Kapamilya Network at bilang Best Drama Series ang “Walang Hanggan” ng ABS-CBN.

Narito ang kumpletong listahan ng mga nagwagi sa 2013 Golden Screen Awards for Television noong March 1.

Walang “gangnam style” ng kilalang K-pop star na si Psy sa campaign period sa Pilipinas.

Pebrero 18, 2013 - Matapos opisyal na sinimulan ang election campaign period sa Pilipinas ay inaasahan ang paggamit ng iba’t ibang bersyon ng “Gangnam Style “ sa campaign jingles.

Ngunit sa isang text message ng MCA Music Inc ay isang paglilinaw ang ipina-abot sa publiko: na walang anumang inisyung lisensya ang MCA at ang copyright owner upang gamitin ang nasabing kanta sa anumang campaign jingles.

Ito ay upang maiwasan ang kinaugalian ng mga politiko sa paggamit ng mga kilalang kanta sa iba’t ibang campaign jingles.

Rome, Pebrero 4, 2013 - Nakakuha ang Pilipinas ng mga nominasyon sa labing-apat na kategorya: labing-dalawa para sa telebisyon at ang dalawa naman ay para sa pelikula matapos ilathala ang opisyal na mga nominado para sa 2013 New York Film Festivals TV and Film Awards sa iba’t ibang bansa sa buong mundo.

Ang nasabing festival ay nagbibigay-pugay sa mga programa sa higit na 50 bansa.

Enero 21, 2013 - Kumpirmadong nasa Pilipinas na ang dating ‘80s teen star at Regal baby na si Tina Paner pagkatapos ng ilang taong pagtira sa Barcelona, Spain.

Ito ay matapos mapabalita ang diumano’y pagbebenta ng fake plane tickets nito sa mga Ofws sa Barcelona.

Lumabas ang balita last January 11 dahil may ilang Pinoy-based sa Spain na nagbuo ng isang grupo via Facebook para ireklamo si Tina dahil sa pagbebenta sa kanila ng mga pekeng plane tickets.

Ilan diumano sa mga nagreklamo ang hindi nakauwi noong nakaraang Pasko at Bagong Taon dahil hindi magagamit ang plane tickets na ibinenta ni Tina sa murang halaga—dahil peke raw ang mga ito.

Inireklamo din diumani si Tina sa isang police station sa Barcelona ngunit nang puntahan ng mga pulis ang opisina ni Tina sa isang pawnshop ay wala na ito sa dating tanggapan noong December 14, 2012 pa.