Hindi ko na namalayan
Maraming taon na pala ang nagdaan
Buhat ng tayo’y magpaalaman
At nagkanya kanya ng mga daan
Nangakong mananatiling magkakaibigan
Hangang sa magpakaylan man
Hindi ko na namalayan
Aking mga mata pala’y luhaan
Habang aking pinakikingan
Awit ng ating pagkakaibigan
Na nagpapaalala sa’ting sumpaan
Na tayo’y laging magdadamayan
Hindi ko na namamalayan
Sa mga araw pala ng kalungkutan
Sa mga panahong naguguluhan
Nandiyan lang kayo sa’king likuran
Nagsasabing “Ika’y may mga kaibigan”
Nagsasabing ” Hindi ka naming iiwan”
Hindi ko namamalayan
Magkakapatid na pala kung magturingan
Kung may problema’t nabibigatan
Mga payo ninyo’y agad nandiyan
Ang isa’t isa na’y sandigan
Salamat sa pagmamahal mga kaibigan
(by Demetrio-Bong Ragudo Rafanan)
