Ako ay filipino

Manila, Pebrero 20, 2012 - Isa na namang Pinoy ang hihira­ngin bilang Santo ngayong Oktubre., ang Cebuano teenage martyr na si Pedro Calungsod na tatawagin ding San Pedro de Cebu.

Inihayag kahapon, araw ng Linggo ni Pope Benedict XVI ang canno­nization ni Blessed Pedro Calungsod at ng anim na iba pang religious sa nalalapit na Oktubre 21, 2012.

Manila, Pebrero 16, 2012 - Ayon sa World Health Organization (WHO), ang Pilipinas ay ang may pinakamataas na kaso ng sakit na ketong o leprosy sa buong Western Pacific Region.

Sa taong 2010, ang Pilipinas diumano ang nakapagtala ng pinakamaraming kaso ng ketong. Ito ang resulta ng evaluation sa leprosy cases sa ginanap na Western Pacific regional meeting ng national leprosy program managers na sinimulan noong nakaraang Lunes at natapos lamang kahapon.

Dalawang dambuhalang buwaya ang nahuli kahapon ng umaga sa isang ilog sa bayan ng Bataraza sa lalawigan ng Palawan matapos ang inulat na pag-atake sa mga tao.

Ayon sa kapitan ng Baranggay Rio Tuba ang mga nahuling buwaya ay may 16 at 11 na talampakan ang haba.

Manila, 13 Pebrero 2012 - Naghayag ang city health office head na si Dr. Antonienta Inumerable na ang health officials ng Quezon City ay mamimigay ng condoms sa Valetine's Day sa Martes. Layunin diumano ng naturang proyekto ay upang maiwasan ang pagkalat ng human immunodeficiency virus (HIV).

Samantala, nanawagan naman ang dating Catholic Bishop's Conference of the Philippines president and Jara (Iloilo) Archbishop Angel Ladameo sa health officials na huwag mamahagi ng condoms.

"The use of contraceptives affects the morality of our people and our society in general,” ani Lagdameo nitong Biyernes sa isang panayam, sapagkat kinakailangan umanong masanay ang mga Pilipino sa “abstinence, fidelity to one’s spouse and obedience to God’s will.”

Sa kabila ng panawagan, ayon sa ulat, ay mamimigay ng mga condom ang health office sa mga bar, massage parlor at iba pang entertainment establishment sa lugar ng Quezon City Memorial Circle, Quirino Highway, Quezon Avenue at Cubao.