Ako ay filipino

Roma – Mayo 20, 2013 - Isang Pilipino,  45 taong gulang ang nahuli sa akto ng pulisya sa ginagawang ‘kalaswaan’ noong nakaraang Huwebes ng hapon sa park ng Novi Sad sa Modena.

Ayon sa mga report, ang Pinoy ay natagpuang ng police patrol na bukod sa hubad ay nagma-masturbate di kalayuan sa dalawang batang babae na hindi naman napansin ang ginagawang kalaswaan nito.

Mayo 20, 2013 - Si Rhodora Laureta Tomas, dumating sa Italya noong 1989 at tulad ng lahat ng mga Pilipinong iniwan ang sariling bansa at pamilya, ay mithiing makapag- ipon upang maipagpatuloy ang nasimulang business na "Palay Buying Station" sa Munoz, Nueva Ecija para sa mas magandang kinabukasan ng dalawang anak, sina Ian Dean at Helen Grace.

Naging napaka-hirap ng mga unang taon ni Rori sa Italya, bukod sa pangungulila sa pamilya, ang adjustment period sa bagong pakikibaka sa buhay. Iniwan ni Rori ang pagnenegosyo sa Pilipinas kaya naman halos lagnatin sa hirap ng paglilinis ng tiles ng banyo sa kanyang unang trabaho, part-timer domestic helper. Ngunit buong tapang na hinarap ni Rori ang mga hamong ito at nagpatuloy sa kaganapan ng kanyang mga pangarap, una na dito ang makapiling ang kanyang mga anak sa Italya, taong 1995.

Hanggang sa nagpasya si Rori na pumasok sa driving school taong 2002, dahil na rin sa pangangailangan sa kanyang trabaho. Laking sorpresa ni Rori, sa kabila ng italian language na tunay namang mahirap matutunan, ay naipasa nya ang exam. Ito ang nagtulak at nagpalakas ng loob ng Pinay upang mag-isip para sa pagbabago sa kanyang pamumuhay sa Italya.

“Nais kong maging 'tinig' din ng aking mga kababayang Pilipino at kanilang maramdaman ang pagiging bahagi ng Munisipyong ito”.

Roma – Mayo 20, 2013 - “Mahal ko ang aking lugar at aking pangarap na maging isang administrasyong naglilingkod para sa lahat “, ito ang pangunahing layunin ni Butch Niccolo Lloren, 22 anyos, ipinanganak sa Italya at anak nina Trifon Llauren, mula Maynila at Evelyn Magnaye-Llauren, tubong Batangas.

Nag-iisang kandidatong may dugong Pilipino sa lokal na halalan sa Roma sa darating na Mayo 26 & 27 sa Munisipyo IX bilang konsehal. Nagtapos sa Liceo Scientifico E. Majorana at nagpatuloy bilang Web Designer sa Istituto  CEFI (Centri di formazione informatica). Dahil na rin sa kanyang ‘passion’ ay hindi huminto si Niccolo. Sa ngayon ay kasalukuyang kumukuha ng kursong Ingegneria delle Tecnologie di Internet (dating Telecomunicazione) sa Università di Vergata.

Kabilang sa ikalawang henerasyon, o mas kilala bilang ‘nuovi cittadini’, si Niccolo ay buong tapang na hinaharap ang hamon at pangangailangan ng makabagong panahon; ang maging bahagi ng bansang sinilangan higit sa pagiging mamamayan bagkus ay maging bahagi ng Konseho ng IXth Municipality of Rome. Dating Municipio XII na sumasakop sa Eur, Laurentina, Mostacciano, Torrino, Mezzocammino, Cecchingnola, Spinaceto, Decima, Castel Romano, Vallerano-Castel di Leva at Tor di Valle.

Pagbabago, Inobasyon, Partesipasyon at Tranparency, ay ilan lamang sa mga programa ni Niccolo, kasama ang mga kandidatong sina Domenico Durastante at Andrea Santoro, ng Partito Democratico (PD). Mga pagbabagong sumasaklaw sa direktang pakikitungo, pakikisalamuha at pakikinig sa hinaing ng bawat mamamayan ng lugar na kinasasakupan upang higit na maunawaan ang kanilang pangangailangan.

Kabilang din ang tema ukol sa edukasyon at ang pagkakaroon ng angkop na paaralan para sa mga mag-aaral, oryentasyon sa mga kabataang mga nahihirapang makahanap ng trabaho o ang tulong upang makapag-umpisa ng maliit na negosyo; gawing may respeto, mas malinis, mapayapa at iwasan ang walang pakundangang pagtatapon ng basura sa mga public places at properties; at ang maiwasan ang walang kabuluhang paggamit ng pondong lokal at gamitin ito sa mga makabuluhang proyekto ukol sa mga mamamayan.  

“Ito ang mga aksyong kinakailangan ng aming lugar. Bukod dito -  pagpapatuloy pa ng kandidato, nais kong maging kinatawan ng mga kabataang imigrante, ipinanganak o lumaki sa Italya at naghahangad ng magandang kinabukasan sa bansang ito”.

Higit sa lahat, ang aking mga kababayang Pilipino, na kanilang maging ‘tinig’ sa lugar kung saan sila ay namumuhay o nagtatrabaho, at ang kanilang maramdaman ang pagiging bahagi ng Munisipyong ito. Para sa aking kapwa kabataan, ang magbigay lakas loob na rin sa panahong sila ay inaasahang magiging susi sa kinabukasan. Nais kong lahat kami ay sama-samang maging bahagi ng kinabukasang ito”, pagtatapos ni Niccolo. (ulat ni PG)

Roma – Mayo 17, 2013 – Ang bansang Italya ang mayroong pinakamataas na bilang ng mga botante sa Europa. Sa Roma, ang mga botante ay umabot sa 2870, samantala sa Milan naman ay 3227.

"Naging aktibong ang pakikilahok ng mga Pilipino sa naging Overseas Absentee Voting for the 2013 National Elections. Mula sa pagrehistro hanggang sa canvassing of votes ay nakita ang aktibong partesipasyon ng mga Ofws sa Italya. Maging ang mga observers na dumalo ay lalong binigyang buhay ang tunay na diwa ng demokratikong proseso”.