Saturday, May 30th

Last update07:23:33 AM GMT

Claudine Bergantinos, kauna-unahang Little Miss Philippines Centro Italia 2014

Si Claudine Bergantinos ang itinanghal na kauna-unahang Little Miss Philippines Centro Italia 2014 na ginanap sa L'Aquila, Italy.

L'Aquila, Hunyo 4, 2014 - Mula sa 11 kandidata ay nangibabaw ang ganda at talento ng taga-Roma na si Claudine Bergantinos nang tanghalin siya bilang kauna unahang Little Miss Philippines Centro Italia 2014 na ginanap sa L'Aquila, Italy kamakailan.

Nakuha naman ng pambato ng Ascoli ang 1st runner-up na si Giorgia Ferri at 2nd runner-up naman ang mula sa L'Aquila na si Jash Lyn Gonzales Cabal.

Kasama naman sa Top 6 sina Abbygail Calangi, Leslie Jane Gambon at Alyssa Promise Quejano.

Dinayo ng mga taga-Roma, Ancona, Ascoli at Pescara ang kauna unahang event na inorganisa ng bagong Filipino community sa L'Aquila na Samahang Pinoy-L'Aquila (Associazione Filippini-L'Aquila) na pinamumunuan ni Janet Gonzales Cabal. Ika nga ng ilang miyembro ng bagong tatag na grupo, halong pagod, pananabik at kasayahan ang kanilang naipuhunan para sa pagdiriwang na ito. Kitang kita ang hands-on workmanship ng grupo; ultimo sa personal na pag-aasikaso sa lahat ng dapat ayusin hanggang sa dekorasyon ng entablado na gawa mula sa mga karton na kanilang inipon.

Hinakot ng 10-taong gulang na si Claudine ang mga minor awards gaya ng:
- Best in Sportswear
- Best in Talent
- Best in Filipiniana
- Best in Princess Gown
- Best in Modelling

Isang rhythmic gymnast ang 10-taong gulang na si Claudine kaya naman ganun na lang ang pagkamangha ng lahat nang siya ay magperform ng kanyang talent. Kakaiba rin ang kanyang Filipiniana attire na likha ni Noli Sta. Isabel dahil imbes na common Filipiniana ay kanya namang binigyan ng kaunting 'twist' dahil hinde lamang sa asymmetrical cut ng pangtaas na bahagi ay kanya ring ginamitan rin ito ng mga detalye buhat sa banig at walis.

Ang iba pang nagwagi ng minor awards ay sina:

Miss Charity
Winner - Leslie Jane Gambon
1st runner - Alyssa Promise Quejano
2nd runner - Abbygail Calangi

Miss People's Choice - Alyssa Quejano

Miss Photogenic - Manila Bianco

Miss Friendship - Manila Bianco

Buong pasasalamat ng Associazione Filippini-L'Aquila sa tagumpay ng kanilang munting patimpalak at sa lahat ng sumuporta sa kanila mula sa simula.

Mula kay Claudine, sa mga batang gustong sumali sa anumang patimpalak ay dapat magkaroon ng courage at determination at higit sa lahat ang maniwala sa sariling kakayahan at pagmamahal sa mga taong susuporta. ulat at larawan ni: Jacke De Vega

Athea Couture sa Cannes Fashion Week 2014

Milan, Hunyo 4, 2014 - Sa kauna-unahang pagkakataon sa kasaysayan ng mga filipino fashion designers hindi lamang sa Europa pati na rin sa buong mundo, ay nabigyan ng pagkakataong lumahok sa taunang Cannes Fashion Week 2014 ang mga Pilipino sa France.

Sina Jocelyn Gacad (proprietor) at Aresteo Landicho ng Athea Couture ay buong pagmamalaking ipinarada ang kanilang likhang wedding gowns at evening gowns sa Cocktails and Couture na inorganisa ng Planet Fashion TV sa ilalim ng Sea Star Fashion sa Cannes, France.

Si Joana Ronquillo, kilalang hair and Makeup Artist na naka-base sa France ang siyang naging susi sa paglahok ng Athea Couture sa nasabing fashion week.

Partikular ang partesipasyon ng ATHEA COUTURE ng Milan sa Intercontinental Carlton Cannes Hotel kung saan hindi lamang fashion shows ang nasasaksihan kundi maging ang mga Hollywood actors at iba pang mga artists sa buong mundo tuwing may mga idinadaos na international film fests.

Read more...

Danilo Bansagale – Grand Winner ng Ginoong Pilipinas-Italia 2014

Kinoronahan si Danilo Bansagale bilang kauna-unahang Ginoong Pilipinas-Italia.

Roma - Ginanap sa unang pagkakataon nitong Mayo sa Roma, ang Ginoong Pilipinas-Italia 2014. Sa pangunguna ng ACEG o Alona Cochon Entertainment Group at kolaborasyon ng Ginang Pilipinas - Italia Group at Friendship Group, pitong magigiting at mga maginoog GINOO ang sumabak sa patimpalak kung saan natunghayan ang galing, talento at tapang na maipakita sa madla ang pagiging ganap na “AMA ng Tahanan”.

Hindi naging madali ang maging hurado sa gabi ng awarding. Mula sa opening number hanggang sa Q&A ay nagpakita ng panibagong anyo ang mga finalist na lubos na hinangaan hindi lamang ng mga dumalo at sumoporta sa patimpalak, kundi lalong higit ng mga huradong sina Gng. Irma Tobias, International dance athlete Rodel Espinosa at Monsignor Jerry Bitoon na lalong nagpabigat sa kanilang tungkulin.

Bukod sa pagiging Grand Winner ng Ginoong Pilipinas-Italia 2014 ay hinakot ng 54-anyos ang mga special awards tulad ng Best in National Costume, Best in Sports Wear, Best in Formal Attire at ang Ginoong Talent.

Read more...

Camille Joanne Manalo, ang Miss Mundialido Philippines 2014

Roma, Mayo 21, 2014 - Sa 11 mga dalagang Pinay na naglaban-laban, nasungkit ni Camille Joanne Manalo ang korona bilang Miss Mundialido Philippines 2014. Hinirang na 1rst Runner up si Marynoll Depaor at 2nd Runner up naman si Kim Paulene Sogoni.  

Ang Miss Mundialido Philippines 2014 ay isinagawa noong Mayo 11, 2014 sa pangunguna  ng Deusfratres Onlus. Layunin ng paligsahan ang ihirang ang kinatawanin ng ating bansa sa Mayo 25, 2014 laban sa magagandang kinatawang dilag ng 23 kasaling bansa.

Maraming dumalo at nakiisa sa araw ng ‘search’. Si Benette Ramirez, ang Executive Coordinator ng tanghalan.  Sina Aileen Joy Rabara at Etchie Ferrer naman ang mga naging co-hosts. Bukod sa mga sponsors ng pagdiriwang ay dumalo rin ang kinatawan buhat sa Embahada ng Pilipinas, Vice Consul Marge Malang. Nakiisa rin ang mga panauhing pandangal na sina Abegail Reyes, Philip Fuentes, Michael Caputol, Mrs. Sabalvaro at Arwin Sawali.

Bilang paghahanda, isang pictorial services buhat sa PPCRPinoy Photographers Club in Rome ang ginanap. Ito ay upang ilantad ang kagandahan ng bawat kalahok na sina Julia Sawali, Kim Pauline Sogoni, Syria Jane Lai, Camille Joanne Manalo, Marynoll Depaor, Katelyn San Jose, KC Henson, Princess Ellah Hernandez, Zairine Cipriano Seno, Sharmine Domingo at Elealeh Rivera. (ulat at larawan ni Etchie Ferrer)

Pagbabago sa regulasyon ng consiglieri aggiunti, ipinaliwanag ni Salvador

Bilang isa sa mga proponent ng bagong regulasyon ng mga consiglieri aggiunti sa pagpapatupad ng bagong Statute ng Roma Capitale, inihayag ni Romulo Sabio Salvador sa isang panayam ang nilalaman ng inaprubahang Regolamento noong nakaraang Abril 8.

Matagal na panahon ang hinintay ng mga migrante sa bagong regolamento na inaprubahan noong Abril 8. Bakit?

Hindi lamang matagal na panahon ang paghihintay ng mga migrante sa Roma sa pagboto sa pagpili ng mga bagong konsehales, ito ay lampas rin sa panahong itinakda ng bagong statuto ng Roma Capitale na dapat sanay noong nakaraang Abril 2014. Ito ay tila dahil na rin sa kakulangan ng atensyon ng administrasyon ni Marino sa tema ng imigrasyon at binigyang priyoridad ang para sa administrasyon na mas mahalagang problema.

Read more...