Saturday, Apr 18th

Last update06:46:25 AM GMT

Camille Joanne Manalo, ang Miss Mundialido Philippines 2014

Roma, Mayo 21, 2014 - Sa 11 mga dalagang Pinay na naglaban-laban, nasungkit ni Camille Joanne Manalo ang korona bilang Miss Mundialido Philippines 2014. Hinirang na 1rst Runner up si Marynoll Depaor at 2nd Runner up naman si Kim Paulene Sogoni.  

Ang Miss Mundialido Philippines 2014 ay isinagawa noong Mayo 11, 2014 sa pangunguna  ng Deusfratres Onlus. Layunin ng paligsahan ang ihirang ang kinatawanin ng ating bansa sa Mayo 25, 2014 laban sa magagandang kinatawang dilag ng 23 kasaling bansa.

Maraming dumalo at nakiisa sa araw ng ‘search’. Si Benette Ramirez, ang Executive Coordinator ng tanghalan.  Sina Aileen Joy Rabara at Etchie Ferrer naman ang mga naging co-hosts. Bukod sa mga sponsors ng pagdiriwang ay dumalo rin ang kinatawan buhat sa Embahada ng Pilipinas, Vice Consul Marge Malang. Nakiisa rin ang mga panauhing pandangal na sina Abegail Reyes, Philip Fuentes, Michael Caputol, Mrs. Sabalvaro at Arwin Sawali.

Bilang paghahanda, isang pictorial services buhat sa PPCRPinoy Photographers Club in Rome ang ginanap. Ito ay upang ilantad ang kagandahan ng bawat kalahok na sina Julia Sawali, Kim Pauline Sogoni, Syria Jane Lai, Camille Joanne Manalo, Marynoll Depaor, Katelyn San Jose, KC Henson, Princess Ellah Hernandez, Zairine Cipriano Seno, Sharmine Domingo at Elealeh Rivera. (ulat at larawan ni Etchie Ferrer)

Pagbabago sa regulasyon ng consiglieri aggiunti, ipinaliwanag ni Salvador

Bilang isa sa mga proponent ng bagong regulasyon ng mga consiglieri aggiunti sa pagpapatupad ng bagong Statute ng Roma Capitale, inihayag ni Romulo Sabio Salvador sa isang panayam ang nilalaman ng inaprubahang Regolamento noong nakaraang Abril 8.

Matagal na panahon ang hinintay ng mga migrante sa bagong regolamento na inaprubahan noong Abril 8. Bakit?

Hindi lamang matagal na panahon ang paghihintay ng mga migrante sa Roma sa pagboto sa pagpili ng mga bagong konsehales, ito ay lampas rin sa panahong itinakda ng bagong statuto ng Roma Capitale na dapat sanay noong nakaraang Abril 2014. Ito ay tila dahil na rin sa kakulangan ng atensyon ng administrasyon ni Marino sa tema ng imigrasyon at binigyang priyoridad ang para sa administrasyon na mas mahalagang problema.

Read more...

UNITED ILONGGOS IN ITALY (UNITY) INDUCTION 2014

Abril 3, 2014 - Idinaos ng United Ilonggos in Italy o UNITY ang induction ng kanilang mga bagong officers sa pamamagitan ng isang thanksgiving celebration, salamat sa walang patid na pagkakaisa ng bawat miyembro sa Milan. 
 
Dumalo din ang ilang grupo tulad ng Bicol Saro, Primo, UPC at ibang pang malalapit na kaibigan ng grupo upang saksihan ang induction ceremonies.
 
 
Re-elected ang kasalukuyang president na si Wilde Colendres. Bagong halal bilang vice president si Glenn Malagad; secretary naman si Joselia Dato; Assistant Secretary si Jovel Gabarlan; treasurer si Martina Chiva; assistant treasurer si Daisy Lyn Pamposa; auditor si Frances Cabuena; PRO si Editha Mondragon; sergeant at arms sina Frederick Belo at Macky Salcedo; muse naman si Novah Riza Depol.
 
Chairman of the board si Edna Dorado; deputy si Edgardo Franco. Mga members of the board na kinabibilangan nina, Albert Mengane(Aklan), Regina Labid(Antique), Ramil Caputero/Minda Perez(Capiz), Mylyn Castronuevo/Renida Cadarin(Iloilo), Romar Lunag(Guimaras), Emmanuel Ossorio/Nicanor dela Curz Jr.(Negros) at Eleonora Malan/Miriam Domingo(Mindanao). 
 

“Ipagpapatuloy ko ang pagsuporta sa grupo at gagampanan ang responsibilities na naipasa sa akin ni outgoing Vice President Edgardo Franco”, ayon kay Glenn Malagad, ang newly elected VP sa panayam ng Ako ay Pilipino.
Inamin din ni Malagad na isa sa pang matagalang project ng grupo ay ang pagbuo ng youth, edad mula 12 hanggang 18 taong gulang. Ito umano ang henerasyon na susunod sa yapak ng mga elders ng naturang grupo. 
 
Bukod dito, isiniwalat rin ni Malagad ang hangaring bumuo ng grupo ng mga kids. 
 
Bukod sa year round projects at events ay patuloy pa rin ang paglilingkod ng UNITY sa mga kababayang higit na nangangailangan ng suporta. Dahilan ng patuloy na paglago ng nasabing grupo. Sa katunayan, mahigit 10 pang mga bagong miyembro ang ipinakilala kamakailan. (Chet de Castro Valencia)
 

One Voice, One Action - FEDERFIL-ITALY

Roma, Abril 2, 2014 - Mahabang panahon din ang nagdaaan at maraming pag-aaral ang naganap upang tuluyang mailunsad ang samahan ng mga nagkakaisang asosasyon, organisasyon at mga mananampalatayang Pilipino  dito sa Roma. 
 
Sa pamamagitan ng isang panawagan ay nagdaos ng isang pagpupulong ang mga lider ng nabanggit
na mga grupong binubuo ng 27 samahan, upang pagtibayin ang Constitution and Bylaws ng Federation noong ika-22  ng Setyembre, taong 2011. Sa naturang okasyon, ang mga pinunong  kumakatawan  ay napagkasunduan na magdaos ng Halalan. 
 
Sa nasabing Halalan, napili ng mga dumalong lider o punong kumakatawan na maging una o Founding Officers  ng  Federation of Filipino Communities and Associations in Rome, Italy 
(FEDERFIL-ITALY) sina Francis Buangjug  (Chairman), Ariel Asis Lachica  (Vice Chairman), 
Auggie Cruz (Sec Gen), Rhomie Ramos (Treasurer) at Lito Viray (Auditor).
 
Kumakatawan naman bilang unang mga Direktor sina Rey Cabral, Benjo Eclarin, Jerry Benjamin,
Pat Dimaano, Jessy Ramirez at Jhun Landicho.Tumatayo naman bilang mga Tagapayo o Advisory Board sina Atty. Jose Abenir, Rey Maas, Nick Calbay, Efren Estrella, Efren Tila at Carlito Sernicolas.
 
Pinangunahan  ng ating mga Kgg. Ambassador  the Mercedes Tuason ng  Embassy of Philippines to the Holy See at Ambassador Virgilio Reyes  ng Embassy of Philippines to Italy ang panunumpa  ng mga nasabing halal na Opisyal sa simbahan ng Ss. Crucifisso na  matatagpuan sa Via Bravetta 332.
 
“One Voice, One Action”  ang salitang pinaninindigan ng mga kasapi ng Federation.
Sa  lumipas na dalawang taon, sari-saring proyekyo ang nagampanan ng Samahan na nakatulong at naging kapakipakinabang sa ating mga kababayan dito sa Roma, ganoon din sa ating bansa sa panahon ng mahigpit na pangangailngan lalung-lalo na sa mga biktima ng kalamidad. 
 
Ilan sa mga mahahalagang kaganapan na masasabing  matagumpay na napamahalaan sa pamamagitan ng pagkakaisa ay ang mga sumusunod;
1. Benefit Concert of Angeline Quinto at Jovit Baldovino
2. Medical Mission  sa Sentro Pilipino sa pakikiisa ng Filipina Nurses Association (FNA)
3. Medical Mission and Other Services  sa Mother of Divine Grace Filcom  sa Via Bravetta
With Optical & Hearing Free Check-up  sa pakikipag-ugnayan ng ating Treasurer, Mr. Rhomie Ramos sa mga kaibigan nating Italian Doctors & Specialists.
4. Ang  hindi malilimutang  pagtulong sa ating mga kababayang Seafarers na kabilang sa Naufragi (Shipwreck) ng Costa Concordia na kung saan nagbigay tayo ng mga damit, sapatos, pagkain atbp.
5. Pinangunahan din ng ating Samahan ang paggabay sa  mga Filipino at Foreign Pilgrims sa Canonization ng Ika-2  Pilipinong Santo, S. Pedro Calungsod.
6. Pagkalap  at pagpapadala ng tulong Financial sa mga biktima ng kalamidad (Lindol sa Bohol at Bagyo at Baha sa Leyte).
 
Makalipas  ang ikalawang matagumpay na taon, patuloy ang ginagawang paglilingkod ng pamunuan
sa pamamagitan ng pagtalakay sa mga isyung napapanahon. Para sa taong 2014-2015, muling nag- halal ng bagong Opisyales ang mga kasapi nito, kasabay ang pagbabago ng pangalan ng Samahan dahil sa paglago at paglawak nito ng nasasakupan at ito ay tinawag na  “Federation of Filipino Communities and Associations in Italy”
 
Ang kasalukuyang pamunuan ay binubuo ng mga bagong halal na mamamahala sa susunod na dalawang taon;
 
Ariel Asis Lachica- Chairman of the Board
Rey Cabral- Vice Chairman of the Board
Auggie Cruz- Secretary General
Rhomie Ramos – Treasurer
Benjo Eclarin – Auditor
 
Ang Mga Bagong Direktor naman ay ang mga sumusunod;
 
Tess Pantaleon- Finance and Ways & Means
Lito Viray – Legal Affairs
Joel Resurrecion – Service and Peace & Order
Toto Renoblas – Research and Development
XP Dimaano – Culture and Sports
 
Binubuo naman ng mga sumusunod ang Advisory Board;
Atty. Jose Abenir- Chairman and Senior Adviser
Jerry Benjamin
Efren Tila
Jhun Landicho
Efren Estrella
 
Sa pagsisimula ng panunungkulan ng bagong pamunuan, tinutukan nito ang mga reklamo at hinaing ng ating mga kapwa manggagawa ukol sa usapin sa pag-a-apply ng OWWA membership at iba pang Migrant issues, sa pamamagitan ng paglulunsad ng Survey sa ibat-ibang lugar sa Italya. Noong nakaraang araw ng Linggo, ika-16 ng Marso, 2014 ay nagtungo sa Lungsod ng Napoli ang pamunuan upang alamin sa ating mga kababayan doon ang halos katulad na  ‘problema’ na naghihintay ng nararapat na lunas at kaliwanagan.
 
Inilunsad din ng Pamunuan sa pangunguna ng Bagong halal na Chairman of the Board, Mr. Ariel Asis Lachica ang isang gawad sa mga manggagawa na may titulong “FEDERFIL-ITALY OFW AWARDS 2014” na naglalayong bigyan ng pagtatangi ang mga Manggagawang  Pilipino sa iba’t-ibang kategoryang kanilang kinabibilangan. 
 
Upang maging mabilis ang pagdaloy ng mga mahahalagang impormasyon,  ang Samahan ay nagbukas ng kanyang sariling Facebook Account (Federation of Filipino Communities and Associations in Italy-Official Page)  at Newsletter  upang maipahatid ng mabilisan ang mga isyung dapat bigyan ng agarang aksyon.
 
Sa patuloy na pagtitiwala at magandang pagsasamahan, ang  FEDERFIL-ITALY ay inyong kabalikat sa sa mga mahahalagang isyung ating kinakaharap. (Auggie Cruz)
 
 

Sen. Pia Cayetano, bumisita sa Roma

 
Roma, Marso 26, 2014 - Matapos ang kanyang pagtakbo sa Maratona di Roma nitong Marso 23 ay nagpaunlak si Philippine Senator Pia Cayetano ng isang unofficial visit sa Embahada ng Pilipinas sa Rome, Italy.
 
Sa pangunguna ni Ambassador Virgilio Reyes, kanyang may-bahay at mga consul, nakipagkita rin ang senadora sa ilang Pilipinong migrante at leaders ng ilang komunidad sa Roma.
 
“Gusto kong pag-aralan ang Italian system, yung kanilang artisans. ‘Yung craft nila eh parang over the hundred of years pina-pass on yan. And naniniwala ako ganun din ang mga Pilipino to a certain extent pero kailangan pa rin maprofessionalize sometimes...”, ani ng senadora na kanyang gustong gawin sa susunod na pagkakataon na bumisita siya ng Italya.
 
Isang advocate ang mambabatas ng pampublikong kalusugan kaya ganun na lamang ang kanyang hikayat sa mga dumalong Pilipino na pangalagaan ang kalusugan sa pamamagitan ng pag-jogging or paglakad lakad. Mula dito ay nabuksan ang diskusyon ukol sa Philhealth para sa mga OFW. Ipinahayag ng mambabatas na kanyang kagustuhan na maimplement muli ang Philhealth sa mga OFWs. 

Read more...