Ako ay filipino

Rome, 11 Pebrero 2012 - Isa pa muling snowstorm sa kapital kahapon Sabado, mula sa Ostia hanggang sa Cassia. Ang alkalde ng lungsod Gianni Alemanno ay muling ipapatupad ngayon, araw ng Linggo ang ordinansa: ang pagkakaroon ng kadena sa sasakyan at ang full stop ng mga motor at motorsiklo hanggang mamayang hatinggabi.

      Pansamantalang isinarado ang Ciampino airport ng isang oras. Samantala, sa Fiumucino naman ay kanselado ang kalahti ng mga flight mula alas singko ng hapon kahapon.

      Itinuloy naman ang laro ng rugby sa Olimpico ng Italy-England, Nanalo ang England sa score na 19-15. Isang malaking pagdiriwang sa kabila ng snowstorm kahapon.

      Sa kasalukuyan ay wala pang anunsyo ang alkalde ukol sa pagsususpinde ng eskwela at ng mga public offices bukas, araw ng Lunes.

Roma – Ang mga paaralan at mga publikong tanggapan ay sarado muli bukas, Biyernes at sa Sabado at maaari lamang patakbuhin ang mga sasakyang mayroong kadena.

Ang Mayor ng Roma Gianni Alemanno ay muling nagdesisyon ng pagsususpinde ng eskwela dahil sa weather forecast para sa susunod na mgaaraw.

Bologna, 9 Pebrero 2012 – Ayon sa report ng cataniaoggi.com, isang tatlong taong batang babaeng Filipina ang bahagyang nasugatan kahapon sa Bologna dahil sa bumagsak na piraso ng yelo na tumama sa ulo nito. Bandang alas 5 ng hapon, ang bata ay naglalakad sa Via Pietralata kasama ang magulang nang sa angolo ng Via Sant’Isaia ay nabagsakan ng isang piraso ng yelo buhat sa bubong ng isang bahay.

Mabilis naman diumanong sumaklolo ang 118 na nagbigay ng first aid medication at pagkatapos ay dinala ang bata sa ospital ng Maggiore para sa mas masusing chech-up. Nasa mabuti namang kalagayan ang bata.

Samantala, ang mga municipal police  ay hinarangan ang lugar upang maiwasan ang mga karagdagang panganib.

"Maaring pinaka kritikal at pinaka mahirap na bahagi ng pag-ulan ng yelo sa bansa"

Rome, 8 Pebrero 2012 - Ang weather forecast ng meteorologist at climatologist na si Mario Giuliacci ay walang  pagdududa: "Sa pagitan ng Biyernes ng gabi at Sabado sa Roma ay magkakaroon muli ng ikalawang malakas na pag-ulan ng yelo. Ipinapaalala ang mga paghahanda sa nalalapit na weekend.