Civil Action

Ang sinumang biktima ng isang pagkilos o aksyon ng diskriminasyon mula sa isang pribado o publikong tanggapan ay maaaring mag-apila sa korte upang  hingin ang pagpapatigil ng nakapipinsalang pag-uugali at ang pagpapatanggal ng mga epekto nito.

Ang mga biktima ng diskriminasyon ay maaaring personal na magprisinta o sa pamamagitan ng abogado o ng isang asosasyon, ng application sa Registry ng Civil Court ng lungsod kung saan naninirahan.

Dala ang mga katibayang batayan ng aksyon ay maaari ding ibigay ang mga elemento mula sa statistical data, na maaaring pagmulan ng mga aksyon, o pag-uugali ng deskriminasyon (hal: hiring o recruitment, social insurance, pagtatalaga ng mga tungkulin at mga kwalipikasyon, transfers, layoffs, atbp. ng kumpanyang involved).

Nakasalalay sa akusado (ang taong gumawa ng diskriminasyon) ang patunayan ang kawalan o pagtangi sa deskriminasyon.

Ang hukom, matapos mapatunayan ang pagkakaroon ng deskriminasyon, ay tatanggapin ang  apila sa pamamagitan ng pag-order ng pagtatapos sa aksyon at pagbawi sa mga naging epekto nito. Maaari ring i-order sa akusado ang pagbabayad ng anumang danyos na pinagdusahan ng biktima, kahit na walang kinalaman sa salapi.

Ang hukuman ay maaari ring mag-order ng publikasyon ng sentensya kahit isang beses lamang at ang pinsala ay nararapat na bayaran ng akusado, sa isang pahayagang nasyunal.

Sa kaso ng convictions laban sa employer na may ilang benepisyong ekonomiko mula sa pamahalaan o may kontrata para sa pagpapatupad ng gawaing-bayan (appalti), mga serbisyo o supply, ang hukom ay maghahayag ng mga provisions ng pagbibigay ng benepisyo o ng kontrata sa administration.

Ang benepisyo ay maaaring pagkatapos ay iurong, sa kaso ng matinding kaso ng diskriminasyon, maaari ring tanggalin sa dalawang taon ang anumang karagdagang insentibo (pananalapi o credit) o anumang iba pang mga pagpapatupad ng gawaing-bayan (appalti).

Criminal Action

Kasabay ng karapatang hingin ang pagpapatigil sa pag-uugali ng deskriminasyon, ay posibleng maglagak ng reklamo/kaso sa Criminal Court ng lugar kung saan naganap ang krimen at maaaring hingin ang pag-aresto ng sinumang gumawa ng deskriminasyon.

Sa kasong ito, ang hukuman, matapos mapatunayan ang responsibilidad ng mga taong gumawa ng krimen, ay maaaring humingi ng kabayaran ng danyos para sa materyal at moral na pinsala ng biktima bilang bahagi ng sibil na proseso.

Dagdag pa dito, ang hukom ay maaaring maghayag ng karagdagang parusa (sanzioni accessorie), na magbibigay obligasyon para sa nagkasala.

Ang nagkasala ay maaaring maggawad ng serbisyong walang bayad para sa public utility, ang suspensyon ng driver’s license, pasaporte at bisa para sa paglalakbay sa ibang bansa ng hindi hihigit sa isang taon, at maaaring ipagbawal ang pakikilahok sa kampanya para sa mga gawaing pampulitika o halalang lokal.