Sunday, Aug 02nd

Last update05:52:02 PM GMT

MGA DAPAT MALAMAN TUNGKOL SA PANGANGALAGA SA ATING MGA MATA

GABAY KALUSUGAN HANDOG NG FNA-ROME

Roma, Hunyo 27, 2014 - Sinasabing ang ating mga mata ang salamin ng ating kaluluwa. Makikita sa ating mga mata kung ano ang ating nararamdaman. Kalusugan, sigla o kaligayahan ng isang tao ay makikita sa hitsura ng kaniyang mga mata.

Ang sistemang biswal ay ang bahagi ng sistemang nerbiyos na nagpapahintulot sa mga organismo upang makakita, makatingin o makatanaw. Ipinapaunawa nito ang kabatiran mula sa nakikitang liwanag upang makabuo ng representasyon o kinatawan ng mundong nakapaligid sa katawan. May masalimuot na tungkulin ang sistemang ito na buuin o muling buuin ang mundong may tatlong dimensiyon mula sa isang pagpapakita o proyeksiyong may dalawang  dimensiyon ng mundong ito. Tinatawag na persepsiyong biswal ang sikolohikal na manipestasyon ng kabatiran o impormasyong biswal.

Ang mga mata ang organo ng paningin na nakadarama ng liwanag at kadiliman sa kapaligiran. Kinikilala nito ang kaibhan ng mga kulay at hugis ng mga bagay sa kapaligiran. Ito ay isang ‘kamera’ na napakahusay at kusang nagpopokus anupat naghahatid ng mga impulso sa utak, kung saan ang bagay na nakapokus sa retina ng mata ay binibigyang-kahulugan bilang isang bagay na nakikita. Anupat malaki ang impluwensiya nito sa mga emosyon at mga pagkilos.

Read more...

MGA DAPAT MALAMAN TUNGKOL SA MERS-COV

GABAY KALUSUGAN HANDOG NG FNA-ROME

Itinala ng WHO (World Health Organization) na ang MERS-CoV ay isang: “THREAT TO THE ENTIRE WORLD” (www.cnn.com).

Ano ang MERS-CoV? Ang MERS-CoV o Middle East Respiratory Syndrome Coronavirus ay isang viral na sakit sa paghinga na nakakamatay sa loob ng sampung (10) araw o mahigit mula sa pagkahawa sa sakit na ito (www.who.int). Ang MERS ay tinatawag din na ‘Novel Coronavirus’. Ito ay isang beta na coronavirus. Ito ay unang iniulat noong 2012 sa Saudi Arabia. Kakaiba ang virus na ito dahil bago pa lang na natagpuan at hindi pa nangyari sa mga tao noon kaya pinag-aaralan pa ng mga dalubhasa (CDC) ang tungkol sa MERS at ang lunas sa sakit na ito.

Angcoronavirus ay hango sa salitang Latino ‘Corona’ na ang ibig sabihin ay korona at dahil din sa itsura nito na parang hubog ng araw. Ang coronavirus ay unang natuklasan noong 1960s sa isang pasyente na may sipon (human coronavirus). Naaapektuhan ang upper respiratory at gastrointestinal tract.

Ang MERS-CoV ay hindi katulad ng SARS virus (Severe Acute Respiratory Syndrome) noong 2003. Gayunpaman, tulad ng SARS virus, ang MERS-CoV ay pinaka-katulad sa coronaviruses na matagpuan sa mga paniki o bats. At ayon sa pag-aaral, iniuugnay at maaaring pinagmulan din ng MERS-CoV ay mga hayup tulad ng kamelyo.

Read more...

Mga mahahalagang bagay ukol sa EXPO 2015

Ang pamamaraan ay katulad ng Decreto Flussi para sa mga magiging bahagi, magse- set up at magtatanggal ng pavilion ng Milan World Expo. Ang mga turista ay kailangang mayroong tourist visa. I-download ang Gabay sa wikang italyano, ingles at pranses. 

Rome, Mayo 19, 2014 – Halos isang taon na lamang at sisimulan ang Expo 2015, kung saan ang Milan ay magigng sentro ng buong mundo. Tatlumputwalong (38) mga bansa ang magiging bahagi nito para sa anim na buwan, simula May 1 hanggang October 31, 2015 kung saan magtatanghal rin ng mga palabas, conventions at mga conference ukol sa tema ng nasabing Expo: “Feeding the planet, energy of life”.
 
Ito ang itatanghal ng Expo 2015 kung saan inaasahan ang milyun-milyong mga bisita buhat sa ibang bansa, at libu-libo ring mga manggagawa ang maghahanda para sa katuparan nito, mula sa mga exhibitors hanggang sa mga magse-set up at magtatanggal ng mga stands. Sa kanilang pagpasok at pananatili sa Italya ay inilaan ang isang gabay na inilathala ng Ministry of Interior, Labor at Foreign affairs  kamakailan, na matatagpuan rin sa wikang ingles at pranses.

Read more...

Mahahalagang Impormasyon ukol sa MERS-CoV

Ano ang MERS-CoV o Middle East Respiratory Syndrome Coronavirus?
Ito ay isang sakit sanhi ng corona virus. Ang unang kaso ay naitala sa Saudi Arabia noong Abril 2012. Kaiba ito sa virus na sanhi ng SARS na natagpuan sa paniki noong 2003 kahit pa halos magkahawig na corona virus sila. Natagpuan sa kamelyo at ang isang kamelyong apektado ay naiugnay sa pagkakaroon ng kaso sa tao (ayon sa pag-aaral).
 
 
Anu-ano ang mga sintomas ng MERS-CoV?
Ang mga sintomas ay ang sumusunod: ubo, hirap ng paghinga, mataas na lagnat, pagtatae, sakit sa bato. Kung mababa ang resistensya, maaaring magpakita ng iba pang kakaibang sintomas. 
 
Naisasalin ba ang MERS-CoV sa ibang tao mula sa taong apektado nito?
Oo, sa mga taong nagkaroon ng “close contact” sa positibong pasyente tulad ng mga health workers, kamag-anak at iba pa. Ipinapayo na palaging isaalang-alang lalo na ng mga health workers ang paggamit ng mga kaukulang proteksyon sa pag-aalaga s apasyente.
 
Paano ito maiiwasan?
Madalas na maghugas ng kamay sa tamang paraan: 
Basain ang mga kamay at sabunin ito. 
Kuskusin ang mga kamay, palad sa palad, pagitan ng mga daliri at likod ng kamay.
Halinhinang kuskusin din ang mga daliri ng bawat kamay
Banlawan ng malinis na tubig.
Takpan ang bibig sa pagbahing at pag-ubo gamit ang panyo o tissue at ilagay ang gamit na tissue sa basurahan
Palakasin ang resistensya:
Matulog ng hanggang 8 oras
Uminom ng maraming tubig
Mag-ehersisyo
Kumain ng masustansyang pagkain
 
Paano malalaman kung apektado ng sakit na ito ang isang tao?
Sa pamamagitan ng laboratory test (polymerase chain reaction or PCR). Mayroon ito sa mga apektadong bansa maging sa Research Institute for Tropical Medicine sa Pilipinas. 
 
May gamot o bakuna ba laban sa MERS-CoV?
Wala pang gamut o bakuna laban sa MERS-CoV. Kailangan lang komunsulta agad sa duktor para mabigyang lunas ang mga sintomas dulot ng virus na ito.
 
Ilang bansa na ang naitalang nagkakaso ng MERS-CoV?
12 bansa na ang naitalang nagkaroon ng MERS-Cov sa tao. Karamihan ng kaso ay nagmula sa Middle East.
 
May travel ban na ba sa mga bansang apektado ng MERS-CoV?
Sa ngayon ay wala pang travel health warnings mula sa World Health Organization sa mga bansang apektado ng MERS-CoV kung kaya wala ring travel ban sa mga bansang ito.
 
Ano ang mga dapat gawin ng mga taong naninirahan sa mga apektadong bansa o kaya ay galing sa mga bansang ito at nagkasakit?
Kung may sintomas tulad ng ubo at hirap sa paghinga at nagkaroon ng close contact sa pasyente sa loob ng 14 na araw agad na komunsulta sa duktor. Kung bumiyahe na at nakauwi na sa sariling bansa, agad na komunsulta sa duktor at sabihin kung saan bansa nanggaling. (Department of Health)
 
 
 
 
 

MGA DAPAT MALAMAN SA KAHALAGAHAN NG PAGPAPASUSO

GABAY KALUSUGAN HANDOG NG FNA-ROME

Ang salitang suso o dede ay  tumutukoy sa pangharap na rehiyon ng pang-itaas na bahagi ng katawan. Mayroong glandulang mamarya ang mga suso ng katawan ng mga babaeng mamalya, naglalabas ng gatas na nagsisilbing pagkain ng mga sanggol sa pamamagitan ng laktasyon.

Ang unang gatas, na tinatawag na colostrum (medyo kulay dilaw), ay kakaunti lang pero iyon ang tamang dami para sa bagong sanggol. (Ilang kutsarita lang ang kayang lamnin ng kanilang sikmura). Mayroon itong antibodies – mga sangkap na galing sa katawan ng nanay na magpoprotekta sa sanggol mula sa impeksiyon. Ito ay mahalaga para sa sanggol kumpara sa anumang gamot.

Ang gatas ng ina ay mahalaga at pinakamahusay na uri ng gatas  kaya’t nararapat lamang na ito ay ibigay sa sanggol mula pagkasilang hanggang anim(6) na buwan na walang halong pagkain, tubig o maging bitamina man. Ito’y matipid, palaging presko, mainit-init at agad na maiinom. Taglay ang  lahat ng nutrisyon o sustansya na kailangan sa pagkahubog ng utak at iba’t ibang sistema ng katawan ng sanggol.

Read more...