Mga fake bags mula sa Pilipinas, kumpiskado

altSalerno – Apat na libong mga fake na bags mula sa Pilipinas na may tatak na ‘Made in Italy’ ang kinumpiska ng mga awtoridad ng customs sa porto ng Salerno noong nakaraang Miyerkules, ika 13 ng Abril, habang nagko kontrol ang mga ito ng mga produktong pumapasok sa Italya. Tinatayang nagkakahalaga ng 30,000 euros ang nakumpiskang mga bags.

Ang importer ay pinatungan ng kaso sa pagpapapasok diumano ng mga produktong may maling indikasyon mula sa pinagmulan ng produkto sa mga etiketa nito.