Monday, Aug 03rd

Last update05:52:02 PM GMT

Inps, hindi pa tatanggap ng aplikasyon ng bonus bebè

Maraming mga magulang ang nagtatanong ukol sa € 80 gamit ang hindi opisyal na application form. “Lahat ay gagawin online matapos itong ilathala”.


 

 

 


Roma - Abril 9, 2015 - Kahit ipinanganak na ang sanggol, ang bonus ay kailangan pa ring hintayin. Dahil na rin sa mga magulang na patuloy na nagtatanong at sinubukang magsumite ng aplikasyon, ang Inps ay inulit na ang aplikasyon ay tatanggapin lamang matapos mailathala ang dekreto ng implementing rules and guidelines nito.

Sa isang mensahe (tunghayan sa ibaba) na ipinadala kamakailan ng Inps sa lahat ng mga ahensya nito, ay sinabi “ang pagkalat at paggamit ng maling application form sa pagtanggap ng bonus. Ang mga ito ay isinumite ng personal at ang ilan naman ay ipinadala sa pamamagitan ng certified email”.

Ang mga forms na ito ay walang halaga. “Habang hinihintay natin ang paglalathala sa Official Gazette ng dekreto ng Presidente ng Council of Ministries – paglilinaw ng Inps – ay wala pa ang angkop na pamamaraan nito upang tanggapin ang mga aplikasyon dahil wala pa rin ang opisyal na form nito”. 

Read more...

Decreto flussi para sa mga seasonal workers, hinihintay pa rin!

Naaantala ang ipinangakong 11,000 entries ng gobyerno. Caponi (Confagricoltura): “Habang naghihintay ay tumatanggap na kami ng mga aplikasyon”

 

 

 


Roma - Abril 8, 2015 – Spring na ngunit ang decreto flussi per i lavoratori stagionali ay wala pa rin. Habang patuloy na nahihinog ang mga prutas at gulay, ang mga aani nito ay libu-libong milya pa rin ang distansya mula sa Italya.

Ang pinaka hihintay na dekreto na magpapahintulot sa pagpasok ng mga seasonal workers sa Italya at ang go signal ng mga aplikasyon sa hiring ay handang handa na. Inaasahan ang pagpasok ng 11,000 seasonal workers ngayong 2015, na mas mababa kumpara noong nakaraang taon na 15,000 at noong 2010 naman ay 18,000. At habang hindi ito nalalathala sa Official Gazette, ang mga may bukiring nangangailangan ng manggagawa ay walang magagawa kundi ang maghintay lamang.

Ang dekreto ay huli na kumpara sa inaasahan ng marami. Ngunit ang follow-up at pressure ngayong taon ay mahina kumpara noong mga nakakaraang taon”, ayon kay Roberto Caponi, ang pinuno ng unyon ng mga manggagawa ng Confragricoltura sa stranieriinitalia.it.

Read more...

Petsa ng entrance exams sa Unibersidad, nakatakda sa Setyembre

Narito ang schedule ng exams para sa mga quota course. Para rin sa mga mag-aaral na dayuhan, kabilang ang mga kasalukuyang nasa sariling bansa.


 

 


Roma - Abril 7, 2015 – Walang anticipated exams ngayong taon, para sa entrance exams ng mga quota course.

Ang Ministry ay inilathala kamakailan ang official schedule para sa mga entrance exams na gaganapin sa Setyembre.

Read more...

Permit to stay sa sinumang makikipagtulungang labanan ang human traffickers at smugglers

Ito ay nagsasaad sa dekreto laban sa terorismo na inaprubahan kamakailan ng Chamber of Deputies. Dinamihan ang mga kundisyong maaaring gawing regular, na tutulong sa pulis, hukom at mga secret agent.

 


Roma - Abril 7, 2015 – Mahikayat ang mga imigrante na i-report ang mga human traffickers. Ito ay sa pamamagitan ng pagtulong sa awtoridad na makilala at maparusahan ang mga may hangaring punuin ang mga kilalang ‘bangka ng desperasyon’.

Isa rin ito sa mga layunin ng decreto contro il terrorismo na inaprubahan kamakailan ng Chamber of Deputies para maging isang ganap na batas. Ito ay napapaloob sa isang panuntunan kung saan dinamihan ang mga tatanggap ng “permesso di soggiorno a fini investigativi”.

Hanggang sa kasalukuyan, ito ay isang uri ng permit to stay na ibinibigay lamang sa sinumang nakikipag-tulungan sa operasyon ng pulisya, imbestigasyon o kasong may kinalaman sa krimen tulad ng terorismo, kahit na internasyunal o ang pagpapabagsak sa demokrasya. Idinagdag rin sa decreto legge ang mga kaso ng “transnational crime”, tulad ng pamamahala sa ilegal na imigrasyon.

Ang pakikipagtulungan ng mga banyagang mamamayan, ayon sa paunang salita ng dekreto, “ay kapaki-pakinabang upang maiwasan ang terorismo”. “Ang ilegal na imigrasyon-dagdag sa paliwanag- ay maaaring maging instrumento sa pagsasakatuparan ng mga gawain ng terorista sa bansa o sa Europa."

Ang "permesso di soggiorno ai fini investigativi” ay malayang ibinibigay ng Chief of Police, sa mungkahi ng pulis o ng secret agent o sa kahilingan ng hukom. Ito ay balido ng isang taon at maaaring ma-renew taun-taon. Sa mga kasong ang kolaborasyon ay nagbigay ng magandang resulta - naiwasan ang isang atake ng terorismo, nabawasan ang epekto nito o nakilala ang mga nag-plano nito - ay maaaring ibigay ang EC long term residence permit o ang carta di soggiorno.  

 

 

 

Servizio Civile Nazionale – Higit na pagkakataon para sa mga kabataan

Nilawakan ang Bando 2015 na bukas rin maging sa mga kabataang dayuhan. Deadline inilipat sa April 23.

 

 

 


Roma - Abril 7, 2015 – Higit na pagkakataon para sa mga kabataan, Italyano man o dayuhan, na nais na magbigay serbisyo sa National Civil Service o Servizio Civile Nazionale.

Sa 29,972 available posts na inilathala noong nakaraang buwan, ay idinagdag kamakailan ang 1,046 posts. Ito ay magpapahintulot sa 92 bagong mga proyekto sa Calabria, Lazio, Liguria, Lombardy, Marche, Piedmont, Puglia at Tuscany.

Bukod dito, ay mas mahaba ang panahon sa pagsusumite ng aplikasyon. Sa katunayan ay inilipat ang deadline nito at ginawang hanggang alas 2 ng hapon sa April 23, sa halip na April 16, tulad ng unang inilathala.

Read more...