Wednesday, May 27th

Last update11:16:01 AM GMT

Help desk, inilunsad sa Milan upang tulungan ang mga kabataang kadarating lang sa Italya

Cerco-Offro Scuola, ito ang help desk na inilunsad ng Comune, bukas araw-araw. Layuning magbigay gabay, kurso sa wikang italyano, mediation at labanan ang pagtigil sa pag-aaral. Narito ang video sa wikang tagalog.
 
 
 
 
 

Milan - Marso 17, 2015 – At dahil ang pagpasok bilang manggagawa sa Italya ay lubos na nabawasan, sa ngayon ay ang family reunification ang pangunahing dahilan ng imigrasyon sa bansa. Ang mga imigrante na dumating sa mga nakaraang taon, matapos maabot ang hinahangad na financial stability ay kinukuha ang asawa at mga anak at binubuo ang pamilya sa Italya. 
 
Para sa mga kabataang kinuha ng mga magulang mula sa Pilipinas, isa sa mga pangunahing balakid ay ang pagpasok sa paaralan o sa unibersidad kung mayroong diploma sa secondary school. Sa katunayan, ang mga kabataan ay napipilitang pumasok sa klase kung saan wala kahit na anong naiintindihan at nahihirapang pantayan ang kaalamang naabot ng mga kapwa mag-aral, hanggang hindi matutunan ang wikang italyano. 
 
Ang mga kabataang ito ang dahilan ng paglulunsad ng Comune di Milano, ilang linggo na ang nakakalipas ng isang help desk bilang gabay sa edukasyon, ang “Cerco-Offro Scuola”, na nakalaan sa mga dayuhang mag-aaral na may edad mula 11 hanggang 25 anyos, na dumating sa bansa mula Enero 2012. Bukas araw-araw sa via Deledda 11, sa Civico Polo Scolastico Alessandro Manzoni (M1 at M2 fermata Loreto). 

Read more...

Non-EU nationals, maaari ring maging substitute teachers

Ang public competition para sa mga paaralan ay esklusibong para lamang sa mga italians at mga europeans. “Isang diskriminasyon, baguhin ito at iurong ang petsa ng deadline ng mga aplikasyon” – hukom.

Roma - Marso 11, 2015 – Hindi tamang buhat sa Ministry of Education ang ganitong uri ng  diskriminasyon bagkus ay dapat na magturo at maging isang magandang ehemplo.

Ito ang mga kaganapan matapos ipalabas ang implementing rules noong nakaraang Mayo (DM 353/2014) ukol sa paggawa ng listahan ng mga substitute teachers sa mga paaralan. Kabilang sa mga requirements sa paga-aplay ay ang pagkakaroon ng italian o european citizenship. Ang mga non-EU nationals ay tanggap lamang sa “pagtuturo sa conversation ng wikang banyaga” ngunit  nananatiling priyoridad ang mga Italians at Europeans sa listahan.

Read more...

Aplikasyon sa citizenship online na simula May 18

May 18 ang simula ng pagsusumite online ng mga aplikasyon sa citizenship. Sa June 18 naman ay ganap na tatanggalin ang tradisyunal na pamamaraan ng pagsusumite ng mga ito. Sa Abril ay sisimulan ito sa ilang piling lalawigan lamang.

Roma - Marso 10, 2015 – Para sa lahat na nais maging ganap na italyano, malapit ng gawin lahat online.

Matatandaang noong nakaraang Setyembre ay tinawag ang pansin ni Minister Angelino Alfano ng Parliyamento upang bigyang-katwiran ang kabagalan sa proseso ng mga aplikasyon sa citizenship. Matapos nito ay nangako ng isang pagbabago: “Dadagdagan ang mga empleyadong susuri sa mga aplikasyon at lulubusin ang online  processing”, pangako ng Minister.

Bagaman hindi binanggit ang dami ng mga empleyadong idadagdag matapos ang anunsyo,  isang positibong pagbabago ang maaasahan sa tulong ng high technology. Higit dalawang buwan na lamang ang hihintayin, sa katunayan, at ang bagong electronic submission ng mga aplikasyon ang sisimulan.

Read more...

Bonus bebè, naghihintay pa rin sa implementing rules

Hanggang sa kasalukuyan, ang 80 € kada buwan na ipinangako ng legge di stabilità ay nananatiling pangako pa lamang. Naaantala ang implementing rules.

Roma - Marso 6, 2015 - Ano na nga ba ang mga updates ukol sa bonus bebè? Tatlong buwan na ang nakakalipas nang simulan ang taong 2015 ngunit ang ipinangakong tulong na itinalaga ng Legge di Stabilità sa mga pamilya ay nananatiling nasa papel pa lamang.

Ang bonus bebè, ayon sa batas, ay isang tulong pinansyal ng 80 euros kada buwan sa loob ng tatlong taon sa mga pamilyang mayroong bagong silang na sanggol o legal na inampon. Ang kinakailangang ISEE o Economic Situation Indicator ay hindi lalampas sa 25,000 euros yearly. Samantala, kung ang ISEE naman ay hindi lalampas sa 7,000 euros yearly, ang halaga ng bonus bebè ay madodoble at magiging 160 euros kada buwan. 

Read more...

Decreto flussi para sa 11,000 seasonal workers, inihahanda na!

Magrini (Coldiretti): “Flussi para sa mga non-EU seasonal workers hanggang kalagitnaan ng Marso, kung hindi ay isang problema.”  Natale Forlani: “Sa likod ng maraming aplikasyon ay isang merkado permit to stay. Hindi ito regularization!”

Roma - Marso 4, 2015 – Hindi pa man ganap na spring time ay sinisimulan nang pag-usapan ang mga papasok na non-EU seasonal workers sa bansa upang maging tama ang panahon ng kanilang pagdating sa anihan. Ang pamahalaan ay kasalukuyang naghahanda ng decreto flussi para sa mga seasonal workers mula 10,000 hanggang 11,000 kumpara sa 15,000 noong 2014 at sa 30,000 naman noong 2013.

Naging batayan sa bilang na ito ay ang analisis ng mga eksperto buhat sa Ministry of Labor ukol sa resulta ng flussi stagionali 2014. Ang mga aplikasyon na natanggap ay higit sa 30,000, karamihan ay rejected dahil sa kakulangan sa requirements ng provincial labor office. Sa bilang na ito ay 9,000 lamang ang inisyung clearance (o nulla osta) ng mga sportelli unici per l’immigrazione at ang pinirmahang employment contract (contratto di soggiorno) ay umabot lamang sa 5,500

Read more...