Ako ay filipino

Ipinadala na ang mga liham sa mga ipinanganak sa Italya. Assessor Majorino: “Magiging mga ganap na Milanesi at magtataglay ng mga karapatan tulad ng lahat ng kanilang ka-edad”.

Roma – Abril 16, 2013 – “Ngayong taon ay isang mahalaga at maselang proseso ang magaganap sa pagdiriwang ng iyong ika-18 taon ng kapanganakan. Ang pagkakataong ito ay mahalaga maging para sa iyong mga ka-edad, at isang mahalagang desisyon ukol sa pagkakataong maging ganap na mamamayang Italyano, na iyong karapatan…..”

Ito ang nilalaman ng liham buhat sa Munsipyo ng Milan (Comune di Milano) na ipinapadala sa mga kabataang ipinanganak at lumaki sa Italya ngunit anak ng mga imigrante, na sa taong ito ay magkakaroon ng wastong gulang o magiging 18 anyos. Ayon sa batas sa pagkamamamayan ay maaaring maging italyano sa pamamagitan ng isang simpleng deklarasyon sa Civil Officer hanggang bago sumapit ang ika-19 na taong gulang.

Bagong hatol ng hukom ng Pescara: "Sa mga dayuhang matagal na naninirahan sa Italya, parehong karapatan tulad ng mga EU nationals”. Ngunit  ang INPS ay patuloy na tumututol, at ang gobyerno ay patuloy ang pananahimik.

Rome - Abril 12, 2013 - Ang INPS ay nagmamatigas, ang mga munisipyo ay humihingi ng paglilinaw buhat sa gobyerno na patuloy naman ang pananahimik. Ang mga hukom, sa kabilang banda, ay malinaw sa kanilang mga pahayag: ang allowance para sa malaking pamilya o ang tinatawag na assegno per le famiglie numerose ay para sa mga non-EU nationals din, kung mayroong EC long term residence permit o ang dating carta di soggiorno.

Ang pinakahuling hatol buhat sa hukom ng Pescara, na ilang araw lamang ang nakakalipas ay tinanggap ang apela buhat sa isang imigrato, residente sa Montesilvano laban sa Inps at sa Munisipyo. Ang imigrato, may 3 anak at may isang maituturing na mababang sahod ngunit carta di soggiorno holder, ang tinanggihang bigyan ng tulong dahil ang nasabing allowance ay para lamang diumano sa mga Italians at EU nationals.

Pope Francis at UN Secretary General nag-usap sa Vatican.

Vatican, Abril 12, 2013 - Isang panibagong pagbibigay-diin sa mga problemang nauugnay sa mga imigrante, refugees at women trafficking. Ito ang mga binitawang salita ni Pope Francis sa kanyang pakikipag-usap kay UN Secretary General Ban Ki-moon sa Vatican.

Sa kanilang naging pag-uusap kamakailan, tulad ng binanggit ng Vatican press, ay natutok sa mga tema ng humanitarian emergencies, lalong higit ang mga kaguluhan sa Syria, gayun din ang hidwaan sa pagitan ng North at South Korea at  ang problema sa Africa, kung saan ang kapayapaan ay isang hamon.

Ang mga balita sa mga pahayagan, hindi na magtataglay ng salitang “clandestino”  na tumutukoy sa mga imigrante.

Roma, Abril 9, 2013 – Matapos tanggapin ang follow-up buhat sa  Carta di Roma at ang makasaysayang laban sa pangunguna ng Pangulong si Laura Boldrini, ang ahensiya ng Adnkronos ay inanunsyo na ang mga ihahayag ng nasabing ahensya ay di na magtataglay ng salitang “clandestino” na tumutukoy sa mga imigrante.

Maliban na lamang sa anumang mga pahayag na nilalaman ng mga press release at i-uulat sa pagitan ng mga “quotes”. Maging sa mga transcriptions ng mga interviews at mga deklarasyon, ang salitang “clandestino”  ay iiwasan, liban na lamang kung hinihingi ng pagkakataon upang maging malinaw ang inihahayag ng ini-interview o upang gamitin ang salitang ito ng tapat.