Thursday, Jul 30th

Last update07:21:31 PM GMT

Bonus hanggang 640 euros sa pagpa-file ng income tax return ng mga colf at caregivers

Panahon na para sa income tax bonus 2014 para sa mga domestic workers. Narito kung kanino ito nakalaan at kung paano ito gawin.
 
 
 
 
 
 
 

Roma - Abril 29, 2015 - Kahit para sa mga domestic workers, caregivers at babysitters ay panahon rin upang makuha o mabawi ang tinatawag na income tax bonus o bonus irpef ng taong 2014 na maaaring magkahalaga hanggang 640 euro, resulta ng isang diskwento sa buwis na inaprubahan ng gobyerno noong nakaraang taon. 
 
Ang ibang mga empleyado ay natatanggap ito buwan buwan sa kanilang pay envelope. Sa katunayan, ang mga kumpanya ay mga withholding agent o “sostituto d’imposta” at nagkakaltas ng buwis mula sa sahod para sa estado. 

Read more...

Dayuhang substitute teachers sa mga paaralan sa Italya, aplikasyon simula April 30

Binuksang muli ng Ministry of Education ang public competition. Ang buksan ito para lamang sa mga Italians at Europeans ay isang diskriminasyon.

 

 


Roma - Abril 28, 2015 - "Walang non-EU substitute teachers sa mga paaralan”? isang diskriminasyon. Dahilan kung bakit ang mga naghahangad na non-EU teachers ay may pagkakataong makapag-turo ngayon sa mga paaralan.

Nagsimula ang lahat noong nakaraang taon, Mayo 2014, noong nagpalabas ng dekreto ang Ministry of Education (Decree 353/2014) upang makalikha ng listahan o graduatorie na sanggunian para sa mga substitutes. Kabilang sa mga admission requirements ay ang italian o european citizenship. Ang tanging listahan kung saan lamang maaaring makabilang ang mga dayuhan ay sa pagtuturo ng “foreign language conversation” at mayroong mas mababang puntos kumpara sa mga Italians at mga Europeans.

Read more...

Carta di soggiorno, pinawawalang bisa sa mga nawalan ng trabaho

Sa Milan at iba pang lalawigan ay sinusuri ang halaga ng kabuuang sahod 
sa paga-update ng dokumento. Anolf: “Labag sa batas at isang diskriminasyon, kailangang kumilos ang EU”.
 
 
 
 

 
Roma - Abril 22, 2015 – Ito ay teknikal na tinatawag na EC long tem residence permit, ngunit kilala ng lahat sa tawag na ‘carta di soggiorno’. 
 
Ang mga imigrante ay maaari lamang magkaroon ng nasabing dokumento matapos ang limang taong regular na pagiging residente sa bansa, kung mapapatunayan ang pagkakaroon ng angkop na sahod at tahanan, matapos bayaran ang 200 euro na kontribusyon at matapos sumailalim at maipasa ang pagsusulit sa wikang italyano. Dahil ito ay isang long term residence document at walang expiration o ‘a tempo indetrminato’. 
 
Ngunit ilang Questure, tulad sa Milan, ang nagsimulang magpawalang-bisa ng mga carta di soggiorno dahil sa kawalan o kakulangan ng itinakdang sahod mula sa regular na trabaho sa mga huling nagdaang taon. At tinatayang maraming migrante ang maaapektuhan nito, dahil sa krisis, ay maraming nawalan ng trabaho. 
 
Nagsimula ang pagpapawalang-bisa mula ng mag-aplay ang mga dayuhan ng duplicate o mag-update ng nasabing dokumento – dahil sa pagkakaroon ng anak, pagpapalit ng litrato sa dokumento o pagpapalit ng numero ng pasaporte - bagay na dapat gawin ng mga dayuhan tuwing ikalimang taon upang kilalanin ang dokumento bilang identification document. 

Read more...

Pilipinas at Vietnam, gagawa ng strategic partnership kontra China

Pilipinas at Vietnam, naghahanda ng kasunduan at magtutulong kontra sa patuloy na paglawak ng reclamation ng China.

 

 

 

 


Abril 20, 2015 - Naghahanda ang Pilipinas at Vietnam  para sa isang kasunduan o strategic partnership. Ito ay ang pagtutulungan ng dalawang bansa kontra sa patuloy na paglawak ng reclamation ng China sa mga pinag-aagawang teritoryo kabilang na ang West Philippine Sea.

Ang Vietnam umano ang lumapit sa Pilipinas para gawin ang strategic partnership, ayon kay Pangulong Noynoy Aquino.

Gayunpaman, wala pang naitatakdang petsa kung kailan magaganap ang pirmahan ng kasunduan.

Ang Vietnam ay isa sa ilang mga bansa na nakakabangga ng China dahil sa kwestyon ng pagmamay-ari ng ilang teritoryo.

Kaugnay nito, naglabas ng mga larawan ang Armed Forces of the Philippines (AFP) kung saan makikita kung paanong patuloy na lumalawak ang reclamation activities ng China sa Pilipinas.

Sa katunayan, makikita sa mga litrato na iprinisinta ni AFP Chief of Staff Gen. Gregorio Pio Catapang Jr. ang ng mga aktibidad ng China sa pinag-aagawang teritoryo, kabilang ang sa Kagitingan Reef at Panganiban Reef.

Ang reclamation works ay nakakaalarma hindi lamang sa Pilipinas kundi sa buong mundo. Nagiging banta rin ang mga aktibidad ng China sa kalakalan o sa pagdaan ng mga barkong naghahatid ng mga produkto sa iba't ibang bansa.

Bukod dito, isang ulat ang natanggap ng AFP ukol sa pantataboy ng Chinese authorities sa mga mangingisdang Pinoy malapit sa reclamation sites.  Para kay Catapang, kailangan ng bumuo ng task force ang gobyerno para matulungan ang mga kababayang makapangisda sa teritoryo.

Suportado ng AFP ang posisyon ng gobyernong iprotesta ang construction works ng China. Ayon kay Catapang, ito ay lumalabag sa Declaration on the Conduct of Parties in the South China Sea na pinirmahan nito at ng Association of Southeast Asian Nations (ASEAN) noong 2002.

Sakay ng lumubog na barko, higit sa 700 migrante

Malupit na kamatayan ng mga migrante sa Sicilian Channel, 70 milya mula sa Libya. “Marami ang ikinulong sa ibabang bahagi ng barko upang hindi makalabas”, ayon sa isang nakaligtas.

 

 


Palermo, Abril 20, 2015 - Ang mga naging kaganapan noong nakaraang gabi sa Sicilian Channel ay marahil ang pinaka malalang trahedyang nangyari sa kasaysayan ng imigrasyon sa Mediterranean. Hanggang sa kasalukuyan, tinatayang 28 lamang ang nakaligtas at 24 naman ang mga nakuhang bangkay at aabot higit sa 700 ang mga namatay sa tumuwad na barko, 70 milya ang layo sa hilagang baybayin ng Libya.

Ang bilang na ito ay batay sa kwento ng ilang nakaligtas, na maaaring mapalitan marahil dahil sa kawalan ng pagbabatayan. “Kami ay 950 sa loob ng barko, mayroong 40 – 50 mga menor at halos 200 kababaihan”, ayon sa isa ring nakaligtas, isang Bangladeshi at kasalukuyang nasa ospital ng Catania. “Marami – dagdag na ng lalaki – ang ikinulong sa ibabang bahagi ng barko. Isinara ang pinto ng mga human trafficers para hindi sila makalabas”.

Isang tawag sa telepono mula sa isang satellite ang nagbigay alarma nang isang barkong puno ng mga migrante. Noong nakarating sa lugar ang Portuguese merchant King Jacob, kasama ang ilan pang barko upang tumulong, maaaring ang takot o ang paniko ng mga nakasakay sa barko, na nagpuntahan sa isang bahagi nito, ang naging sanhi ng pagtagilid ng barko, pagkatapos ay ang pagtaob at tuluyang paglubog nito.

Buong araw na sinikap mailigtas ang karamihan mula sa dagat. Sa operasyon na pinamunuan ng Coast Guard National Center Relief, kung saan tumulong din ang 17 navy ships, ang Guardia di Finanza at Frontex at sa Malta naman ay ipinadala ang ilang rescue na sasakyang-dagat at iba't-ibang mga sasakyang panghimpapawid at nagtutulong tulong at pinipilit na hanapin ang mga nakaligtas.

Tulad ng palaging nangyayari, sa barko ay mayroong nagbuhat sa Algeria, Egypt, Somalia, Eritrea, Nigeria, Senegal, Mali, Zambia, Bangladesh, Ghana. Ang mga bangkay ay isinakay ng barkong Gregoretti ng Coast Guard. Sa Procura ng Catania naman ay ginagawa ang files ukol sa naging paglubog ng barko.