Sunday, May 24th

Last update04:27:27 PM GMT

Narito ang mga exempted sa pagsusulit sa wikang italyano at sibika ng integration agreement

Ilang diploma at linguistic certification na natanggap sa Italya ay exempted sa pagsusulit ng integration agreement. Inilabas ng Ministry of Interior ang listahan.  

 

 


Roma - Marso 24, 2015 – Pagsusulit sa wikang italyano at sibika ng mga kabataan at mga mamamayang dayuhan na pumasok at nakapasa sa mga paaralang italyano? May halaga ba? Wala, at nararapat lamang na i-angkop ang burukrasiya sa imigrasyon.

Mula Marso 2012, ang sinumang dumadating sa Italya ay sumasailalim sa isang kasunduan sa pamamagitan ng tinatawag na ‘integration agreement’ na nauugnay sa ‘point system’ o mas kilala bilang ‘permesso a punti’. Ito ay nangangahulugan na sa loob ng dalawang taon, ay kailangang maabot ang sapat na antas ng kaalaman sa wikang italyano at sibika at ang wastong pamumuhay sa Italya, na susuriin sa pamamagitan ng pagsusulit sa mga tanggapan ng Sportello unico per l’Immigrazione.

Ang Ministry of Interior, gayunpaman, ay nagkaroon ng kasunduan sa Ministry of Education, ukol sa mga exemptions sa italian test ng mga mayroong diploma o linguistic certification. Isang circular ang ipinalabas kamakailan sa mga tanggapan ng Sportello Unico upang kilalanin ang mga ito, na nahahati sa apat (4) ng grupo.

Read more...

Aplikasyon online para sa citizenship, sisimulan sa May 18 sa buong bansa

Dalawang buwan na lamang at sisimulan na ang bagong sistema. Wala ng experimental period na dapat sana’y sisimulan mula Abril 1 sa ilang piling lalawigan. 
 
 
 
 
 
 

Roma - Marso 22, 2015 – Tinanggal na ang experimental period. Ang bagong proseso online sa pag-aaplay ng italian citizenship ay sisimulan sa buong bansa mula May 18. Sa loob ng isang buwan ay makakasabay sa paglilingkod ang dating personal na paraan ng pagsusumite ng aplikasyon. Samantala, mula Hunyo 18, ay maiiwang nag-iisang paraan sa pagsusumite ng aplikasyon ang online.

Isang komunikasyon buhat sa mga prefecture ng lalawigan ng Alexandria, Aquila, Cuneo, Florence, Mantua, Modena at Novara ang nagpapaliwanag na ang online application ay sisimulan na rin mula May 18 at hindi na April 1 tulad ng unang ibinalita. 
 
Ang Abril 1 ay ang unang petsang napili ng Ministry of Interior. Ito ay aming inilathala habang hinihintay ang mga technicalities ng bagong sistema. Ang mga ito ay hindi pa dumarating hanggang sa ngayon. Samakatwid, wala ng experimental period at ang sistema ay magsisimula rin sa amin sa May 18 kasabay ang lahat ng lalawigan sa bansa”, paliwanag sa stranieriinitalia.it ng Florence prefecture. Ganito rin ang mangyayari sa ibang lalawigan kung saan inaasahan ang maagang simula ng online procedure. “Para sa kaalaman ng lahat, - tulad ng mababasa sa website ng Modena prefecture – ipinaaabot ng Ministry of Interior na ang simula ng online procedure sa pagsusumite ng aplikasyon para sa italian citizenship sa mga nabanggit na lalawigan ay ipinagpaliban mula Abril 1, 2015 sa May 18, 2015 ".
 
Bukod dito, ang sabay sabay na simula sa buong Italya ng bagong sistema, sa katunayan ay sentralisado. Lahat ng aplikasyon ay ipapadala online, matapos ang magrehistro at mag-log on sa website ng Ministry of Interior.
 
isinalin sa tagalog ni: Pia Gonzalez-Abucay
 
Kung nais ng higit na paglilinaw ukol sa 'pag-aaplay ng italian citizenship', bisitahin ang aming sister website Migreat at isulat ang lahat ng inyong katanungan sa aming mga eksperto.
 

Servizio Civile Nazionale, nangangailangan ng 30,000 mga kabataan, kahit dayuhan

Inilathala kamakailan ang bagong public announcement, hindi na binanggit ang italian citizenship bilang requirement. Aplikasyon hanggang April 16. 
 
 
 
 
 
 

 
Roma - Marso 19, 2015 – Matapos ang ilang taon ng protesta, legal na proseso at hatol, ang Estado, sa wakas ay kumbinsido na: kahit ang mga kabataang ‘dayuhan’ na naninirahan sa Italya ay maaaring makatulong sa komunidad sa pamamagitan ng kanilang pagsali sa Sevizio Civile o Civil Service.
 
Ito ang kinumpirma ng bagong public announcement na inilathala kamakailan ng Servizio Civile Nazionale, kung saan 29,972 ang kinakailangang bilang ng mga kabataang boluntaryo mula 18 hanggang 28 anyos. Sa mga requirements ay hindi na obligado ang italian citizenship. 
 
Maaring lumahok ang lahat ng “mamamayang Europeo, miyembro ng pamilya ng mga mamamayang Europeo na may permanent residency, ang mga mayroong EC long term residence permit o carta di soggiorno, ang mayroong asylum at international protection permit to stay”. 
 
Ito ay isang tagumpay para sa mga anak ng mga imigrante o ang tinatawag na ikalawang henerasyon, mga kabataang lumaki sa Italya ngunit apektado ng kasalukuyang batas sa pagkamamamayan. Sa mga nagdaang taon, ilan sa kanila ang nag-file ng reklamo ng diskriminasyon laban sa public announcement na ekslusibong nakalaan lamang sa mga italyano at ang mga hukom ay binigyang katwiran ang mga kabataang ito at sinabing ang requirement ng italian citizenship ay labag sa batas. 
 
Ang mga mapipiling volunteer ay isang taong nakalaang magbigay serbisyo kapalit ang buwanang allowance na nagkakahalaga ng 433,88 euros at karagdagang 15,00 euros kung sila ay magbo-boluntrayo sa ibang bansa. Ang mga aplikasyon ay maaaring isumite hanggang alas 4 ng hapon ng Abril 16 direkta sa mga angkop na tanggapan. Sa website ng Servizio Civile Nazionale ay matatagpuan ang public announcement, ang mga forms at ang lahat ng mga proyektong nangangailangan ng mga boluntaryo. 
 
isinalin sa tagalog ni Pia Gonzalez-Abucay
 
 

“Ihinto ang health assistance sa mga undocumented” – Matteo Salvini

Ang lider ng Lega sa Fb: "Para sa ilan ay rasismo, para sa akin ay tama at makatarungan", mayroong 20,000 likes.
 
 
 
 

 


Milan - Marso 17, 2015 - Walang limitasyon. Walang habag. Ito ang mapanghikayat na paraan ni Matteo Salvini na laging handa sa paghahatid ng sinpobya sa kanyang mga programa laban sa mga imigrante. 
 
Matatandaang ang Lega Nord, na palaging target ang mga migrante sa nakaraan ay nagpanukala ng pagre-report sa awtoridad ng mga dayuhang hindi regular na ipapasok sa ER (emergency room). Ito ay dahil protektado at garantisado ayon sa batas ang mga pangunahin at mga urgent health assistance sa sinumang nasa Italya kahit undocumented. 
 
Sa ngayon ay mas malala ang naging aksyon ng lider ng Lega at social network naman ang ginamit para sa kanyang hindi makataong programa. 

Read more...

Help desk, inilunsad sa Milan upang tulungan ang mga kabataang kadarating lang sa Italya

Cerco-Offro Scuola, ito ang help desk na inilunsad ng Comune, bukas araw-araw. Layuning magbigay gabay, kurso sa wikang italyano, mediation at labanan ang pagtigil sa pag-aaral. Narito ang video sa wikang tagalog.
 
 
 
 
 

Milan - Marso 17, 2015 – At dahil ang pagpasok bilang manggagawa sa Italya ay lubos na nabawasan, sa ngayon ay ang family reunification ang pangunahing dahilan ng imigrasyon sa bansa. Ang mga imigrante na dumating sa mga nakaraang taon, matapos maabot ang hinahangad na financial stability ay kinukuha ang asawa at mga anak at binubuo ang pamilya sa Italya. 
 
Para sa mga kabataang kinuha ng mga magulang mula sa Pilipinas, isa sa mga pangunahing balakid ay ang pagpasok sa paaralan o sa unibersidad kung mayroong diploma sa secondary school. Sa katunayan, ang mga kabataan ay napipilitang pumasok sa klase kung saan wala kahit na anong naiintindihan at nahihirapang pantayan ang kaalamang naabot ng mga kapwa mag-aral, hanggang hindi matutunan ang wikang italyano. 
 
Ang mga kabataang ito ang dahilan ng paglulunsad ng Comune di Milano, ilang linggo na ang nakakalipas ng isang help desk bilang gabay sa edukasyon, ang “Cerco-Offro Scuola”, na nakalaan sa mga dayuhang mag-aaral na may edad mula 11 hanggang 25 anyos, na dumating sa bansa mula Enero 2012. Bukas araw-araw sa via Deledda 11, sa Civico Polo Scolastico Alessandro Manzoni (M1 at M2 fermata Loreto). 

Read more...