Saturday, Dec 20th

Last update11:03:07 AM GMT

Mga Ofws nanganganib mawalan ng karapatang bumoto

Rome, Septiyembre 30, 2014 - Nanganganib na hindi makaboto ang mga ofws sa nalalapit na 2016 Elections.

Ito ay matapos aminin ni Comelec Chairman Sixto Brillantes sa isang panayam na tinanggal ng Department of Budget and Management sa panukalang 2015 National Budget ang inilaan nilang pondo para sa pagpapatala ng mga bagong overseas absentee voters sa ibang bansa.

Tinatayang aabot sa P89 milyon ang kinakailangang pondo upang makapagparehistro at makaboto ang mga OFW sa ilalim ng Overseas Absentee Voting Act of 2003.

Ayon sa Comelec, kasama sa budget ang OAV at online registration sa orihinal nilang panukala na isinumite sa DBM ngunit tinanggal ito ng nasabing ahensya sa 2015 National Expenditure Program – ang panukalang batas tungkol sa taunang budget ng gobyerno sa susunod na taon.

Read more...

Alfano, tinanggihan ang 30 euro kada araw sa sinumang kukupkop sa refugee

Tinanggihan ni Interior Minister Alfano ang ipotesis ni Major Marino at Undersecretary Manzione: “Wala at hindi magkakaroon ng ganitong uri ng desisyon. Ang Viminale ay hindi maglalabas ng kahit na 1 euro”.

Rome -  Septiyembre 29, 2014 – Mga refugees bilang bisita ng mga italian families, na bibigyan ng reimbursement ng estado. Ito ay upang bigyang lunas ang mga shelters at maiwasan ang tensyon tulad ng naganap kamakailan sa Corcolle, sa labas ng lungsod ng Roma.

Ang ipotesis ng alkalde ng Roma Ignazio Marino, ay lumabas sa isang pagpupulong sa pagitan ni Ministry of Interior Undersecretary, Domenica Manzione, mga kinatawan ng Anci at ng Region Conference.

“Kasama si Manzione – ayon sa alkalde ng kapital – naisip namin ang panukal tulad ng custody ng mga minors ay maaaring magkaroon rin ng custody ng mga adult sa mga pamilya, na kabahagi ang pamahalaan sa magiging gastusin nito sa pagbibigay ng 30 euros kada araw para sa pagkupkop sa isang migrante sa ating lungsod”.

Read more...

Bidelli stranieri? Paglilinaw buhat sa Ministry

Isang paglilinaw buhat sa Viale Trastevere: bukas maging sa mga dayuhan ang public announcement ng recruitment ng mga ATA employees sa mga paaralan. Asgi: “Extension sa deadline ng aplikasyon ang kailangan ngayon”.

Rome - 29 Septiyembre 2014 - Ang Ministry of Education ay nagbabalik hatid ang extension para sa mga dayuhan ng recruitment ng mga janitors, cooks, secretaries at ilan pang posisyon sa mga paaralan. Kamakailan ay lumabas ang anunsyo bilang requirement ang Italian o European citizenship sa bando triennale per il reclutamento di personale Amministrativo Tecnico e Ausiliario. Tulad ng binigyang-diin ng Asgi, ito ay isang diskriminasyon at labag sa batas, kung saan nasasaad ang pagiging bukas ng public administration sa hiring maging sa mga non-EU nationals na nagtataglay ng EC long term residence permit o carta di soggiorno, sa mga miyembro ng pamilya ng EU nationals o sa mga mayroong international protection status.

Nakalimutan? Maaari bang malimutan ang higit sa kalahati ng populasyon ng mga imigrante sa Italya na mayroong EC long term residence permit o carta di soggiorno? Mabuti na lamang ay napagtanto ng Ministry ang naging pagkakamali, kahit naq hanggang sa kasalukuyan ay hindi pa inaaming isa itong pagkakamali. Isang circular ang ipinalabas kamakailan kung saan nasasaad na ang  public announcement ay kailangang unawain ng naaaayon at batay sa ipinatutupad ng batas.

Read more...

Italian citizenship hinihiling na rin ng Serie A

Hiling ng Lega Professionisti “batas na magpapadali at magpapabilis sa pagbibigay ng italian citizenship para sa mga menod de edad na ipinangank sa Italya na dayuhan ang mga magulang”.

Roma – Septiyembre 25, 2014 – Nagsasayang ang Italya ng kanyang mga ‘talents’ dahil patuloy na kinikilala ang ikalawang henerasyon bilang mga dayuhan. Ito ay matagal ng naririnig ngunit sa ngayon ay tila naramdaman na rin ito sa larangan ng sports, partikular sa calcio o football.  

Isipin na lamang ang istorya ng Mario Balotelli, ipinanganak sa Palermo at lumaki sa Brescia, ngunit naghintay na sumapit ang ika-18 taong gulang bago nagkaroon ng italian citizenship at naging ganap na italyano. Samantala, ang mga koponan na nagnanais syang kunin at paglaruin ay nag-count down sa paghihintay para sa panuntunan ng mga non-EU players.

Sa ngayon ang Lega Nazionale Professionisti Serie A, na binubuo ng mga lumalahok sa laro ay hinihiling na palitan ang batas.

Read more...

Ministry of Education naghahanap mula janitors hanggang secretaries, mga dayuhan excluded!

Ang bagong ‘bando’ o public announcement para sa recruitment ng ATA employees ay nangangailangan ng Italian o European citizenship, at hindi isinasaalang-alang ang bagong alituntunan sa hiring sa Public Administration. Asgi: “Baguhin ito o ipagpaliban ang deadline”.

Rome - Septiyembre 25, 2014 - Higit na sa isang taon, tulad ng nasasaad sa bagong batas na maging ang mga non-EU nationals na nagtataglay ng EC long term residence o ng kilalang carta di soggiorno, ay maaaring ma-empleyo sa Public Administration.

Tila isang exemption ang maituturing na makabuluhan, kung higit sa kalahati ng populasyon ng mga imigrante sa bansang Italya ay nagtataglay ng nabanggit na dokumento. Ngunit ang Public Administration ay patuloy sa pagbabale-wale ng nasabing batas.

Ang pinakahuling pagkakataon ay ang kaso ng Ministry of Education, na sa simula nitong buwan ng Septiyembre ay naglathala ng ‘bando’ o public announcement para sa recruitment ng mga employado nito tulad ng auxiliaries, technicians at maging sa administration para sa susunod na 3 scholastic years. Ito ay tumutukoy mula sa mga janitors hanggang secretaries, mula cook hanggang nurses.

Read more...