Sunday, Apr 19th

Last update06:46:25 AM GMT

Decreto flussi para sa 11,000 seasonal workers, inihahanda na!

Magrini (Coldiretti): “Flussi para sa mga non-EU seasonal workers hanggang kalagitnaan ng Marso, kung hindi ay isang problema.”  Natale Forlani: “Sa likod ng maraming aplikasyon ay isang merkado permit to stay. Hindi ito regularization!”

Roma - Marso 4, 2015 – Hindi pa man ganap na spring time ay sinisimulan nang pag-usapan ang mga papasok na non-EU seasonal workers sa bansa upang maging tama ang panahon ng kanilang pagdating sa anihan. Ang pamahalaan ay kasalukuyang naghahanda ng decreto flussi para sa mga seasonal workers mula 10,000 hanggang 11,000 kumpara sa 15,000 noong 2014 at sa 30,000 naman noong 2013.

Naging batayan sa bilang na ito ay ang analisis ng mga eksperto buhat sa Ministry of Labor ukol sa resulta ng flussi stagionali 2014. Ang mga aplikasyon na natanggap ay higit sa 30,000, karamihan ay rejected dahil sa kakulangan sa requirements ng provincial labor office. Sa bilang na ito ay 9,000 lamang ang inisyung clearance (o nulla osta) ng mga sportelli unici per l’immigrazione at ang pinirmahang employment contract (contratto di soggiorno) ay umabot lamang sa 5,500

Read more...

Citizenship ipinagkait dahil sa wikang italyano, Prefect namagitan

Namagitan ang Varese prefect sa kaso ni Rani Pushpa. “Ang pagiging ganap na mamamayang italyano ay kanyang karapatan, ang alkalde ay walang anumang kapangyarihan na ipagpaliban ito”.

Varese - Marso 3, 2015 – Si Rani Pushpa ay may karapatang maging ganap na italyano. Ang alkalde ng lalawigan ay hindi maaaring ipagkait ito dahil lamang hindi bihasa sa wikang italyano.

Read more...

Mag-aaral na anak ng mga imigrante sa Italya, higit sa 800,000

Narito ang datos buhat sa Ministry of Education para sa isang hamon ng pagiging higit na multi-cultural. Mga Pilipinong mag-aaral, sa unang pagkakataon, ay kabilang sa unang limang nationalities na pinaka malaki ang bilang.
 
Roma - Pebrero 25, 2015 – Inaasahang aaprubahan ang pinakahihintay na reporma sa edukasyon ng Council of Ministries na nakatakda sa Pebrero 27. Sa mga pagbabagong hatid ng reporma ay kabilang ang mga anak ng imigrante, halimbawa ay ang pagtuturo ng italian language bilang ikalawang linguahe sa mga bagong dating sa bansa. 
 
Ang integrasyon ng mga kabataang ito ay isa sa pinakamahalaga sa ‘La Buona Scuoladecree, dahil “ang paaralan ay ang base, ang pinaka-angkop na lugar sa pagiging tunay na mamamayan”, ayon kay Stefania Giannini ng Ministry of Education nitong Huwebes sa pagbubukas sa isang pagdiriwang “Le scuole in contesti multiculturali. Promuovere e governare l’integrazione", na dinaluhan ng 250 principals, guro, magulang, mag-aaral at mga kinatawan ng iba’t ibang asosasyon. 

Read more...

80% ng mga imigrante, pasado sa italian test para sa carta di soggiorno

Tinatayang 80% ang average ng mga pumapasa, ngunit ang datos na ito ay malaki ang pagkakaiba sa iba’t ibang prefecture. Bukod dito, karaniwang ang liham kung saan nasasaad ang petsa ng pagsusulit, higit na kilala sa tawag na ‘appointment o convocazione’ ay naaantala ang dating sa mga imigrante. Narito ang ulat ng Viminale.

Roma - Pebrero  23, 2015 – Walang duda na ang kaalaman sa wikang italyano ay mahalaga sa pamumuhay sa Italya. Ito ay makikita rin maging sa Batas ng Imigrasyon dahil simula noong 2010 ay obligadong ipasa ang pagsusulit sa wikang italyano nang sinumang naga-aplay para magkaroon ng EC long term residence permit o ang kilalang carta di soggiorno.

Read more...

“Gawing aksyon ang mga salita, sa pamamagitan ng bagong batas sa citizenship” - Renzi

“Hindi maaaring sa kampanya lamang ito naririnig: Italyano ang sinumang ipinanganak sa Italya, ngunit mahalagang isaalang-alang rin ang pag-aaral”, sinabi ni Renzi sa kanyang partido.

Roma - Pebrero 18, 2015 – Ito ang kinumpirma ni Matteo Renzi. Para sa Democratic Party at gobyerno ay tila magsisimula ang isang “spring campaign” kung saan bibigyang pansin ang reporma sa pagkamamamayan ng ikalawang henerasyon.

Sa isang pulong ng PD kamakailan, ay sinabi ni PD secretary at Prime Minister Matteo Renzi na kailangang gawing aksyon na ang mga salita. Ayon pa sa paliwanag nito, “itigil na bilang magandang propaganda sa pangangampanya ang tema ng karapatan sa citizenship”.

"Masaydong marami na ang propaganda na ang sinumang ipinanganak sa Italya ay italyano. Para sa akin ay kailangang itigil na ito. Hindi dahil nagbago ang ating pananaw”, bigay-diin ni Renzi. “Kailangang gawin na itong batas, marahil ang pagaanin ito sa pamamagitan ng pag-aaral , ang ‘ciclo scolastico’ na lumabas sa debate ng partido at ng majority”.

Read more...